फ्लोरिडामा खोप नलगाएका ३ जना महिला शिक्षकहरुको २४ घण्टा भित्र कोभिड-१९ बाट मृत्यु

अमेरिकाको फ्लोरिडा राज्यमा खोप नलगाएका ३ जना महिला शिक्षकहरुको २४ घण्टा भित्र कोभिड-१९ बाट मृत्यु भएको छ । फ्लोरिडाको ब्रोवार्ड काउन्टीमा कोभिडको जटिलताको कारण उनीहरुको मृत्यु भएको सिएनएनले समाचार लेखेको छ ।

उनीहरुको बिद्यालय सुरु हुनु अगाडी ३ जनाको एक दिन भित्र निधन भएको स्थानीय शैक्षिक अधिकारीहरुले जानकारी दिएका छन् । ३ जना मध्ये दुई जना शिक्षक र १ जना सहायक शिक्षक रहेका थिए । ब्रोवार्ड शिक्षक संघका अध्यक्ष एना फुस्कोका अनुसार तीनै जनाले खोप नलगाएको उनले बताइन ।

कोरोनाबाट मृत्यु हुने ती ३ जना मध्ये ४८ बर्षिय जेनिस राइट ,४९ बर्षिय योलान्दा हुड्सन तथा ४९ बर्षिय क्याटीना जोन्स नाम गरेका शिक्षकहरु रहेका थिए । ब्रोवार्ड शिक्षक संघले वक्तव्यमा उनीहरुको निधनमा दुख व्यक्त गर्दै समवेदना प्रकट गरेका छन् ।