शुक्रबार, कार्तिक ७ २०७७
काठमाडौं ०८:२६
वासिङटन डिसी 22:41

राष्ट्रिय सम्पदाहरुको संरक्षण आवश्यक : राष्ट्रपति

इनेप्लिज २०७४ फागुन ८ गते १३:२९ मा प्रकाशित

राजु चौधरी : चितवन, फागुन ८ । राष्ट्रपति विद्यादेवी भण्डारीले राष्ट्रिय सम्पदाहरुको यथोचित संरक्षण तथा सम्बद्र्धन गर्न आवश्यक रहेको बताएकी छन् ।

चितवनको रत्ननगर–११ जिरौनामा करिब ५ करोड रुपैयाँको लागतमा निर्माण गरिएको श्रीकृष्ण प्रणामी कलात्मक मन्दिरको मंगलबार उद्घाटन गर्दै राष्ट्रपति भण्डारीले मुलुकमा रहेका कला, साँस्कृतिक–ऐतिहासिक सम्पदा, भौगोलिक र जैविक विविधता अमूल्य निधि भएकाले यसको संरक्षण गर्नुपर्ने बताइन् ।

नेपालका मठमन्दिरलगायतका साँस्कृतिक–धार्मिक सम्पदाले हाम्रो मौलिकता उजागर गरेको उनको भनाइ छ ।

उनले सडक सन्जालको केन्द्रविन्दुकोरुपमा रहेको नारायणगढ–मुग्लिन सडकखन्डमा दुर्घटना बढेको र जनधनको क्षति भइरहेकोप्रति चिन्ता व्यक्त गर्दै सडकको स्तरोन्नति यथाशिघ्र सम्पन्न गर्नुपर्नेमासमेत जोड दिइन् ।

प्रतिक्रिया