आइतबार, साउन १० २०७८
काठमाडौं ००:१३
वासिङटन डिसी 14:28

हजमा हराएका कूटनीतिज्ञको शव फेला

इनेप्लिज २०७२ मंसिर ९ गते १५:०५ मा प्रकाशित

तेहरान (इरान), ९ मङ्सिर । हज यात्रीको भागदौडमा परी हराइरहेका भनिएका इरानका वरिष्ठ कुटनीतिज्ञको शव भेटिएको इरानका सञ्चारमाध्यमले जनाएका छन् ।

साउदी अरेबियामा हज यात्राका लागि पुगेका करिब दुई हजार २०० मानिसको गएको सेप्टेम्बरमा भएको भागदौडपछि मृत्यु भएको थियो ।

साउदी अरबमा भागदौडपछि लेबनानका लागि इरानी भूतपूर्व राजदूत घाजानफार रक्नावादी हराइरहनु भएकोमा यहाँस्थित एक शवको डिएनए परीक्षणपछि पत्ता लागेको हो ।

इरानका सञ्चारमाध्यमले उहाँको अपहरण गरी हत्या गरेको हुनसक्ने बताएका छन् ।

रक्नावादीका ४९ वर्षीय भाइ मोरटेजाले आफ्ना दाजु उक्त भागदौडका बेला साउदी अरबमा भएको बताउँदै मृतक शरीर आफ्नै दाजुको भएको बताएको इरानको राज्य सञ्चालित टेलिभिजनले जनाएको छ ।

रक्नावादीको मृत शरीरलाई बिहीबार स्वदेश ल्याइने पनि भाइ मोरटेजाले बताउनुभयो ।

इरानले वरिष्ठ कुटनीतिज्ञ रक्नावादी कसरी र कहिले मृत्यु भएको थियो भन्नेबारे विस्तृतमा नजनाएको तेहरान स्थित एएफपी संवाददाताले बताएका छन् ।

प्रतिक्रिया