बुधबार, कार्तिक १२ २०७७
काठमाडौं १६:४७
वासिङटन डिसी 07:02

विपक्षी आन्दोलनमा गए समाप्त हुन्छन्ः मन्त्री बस्नेत

इनेप्लिज २०७१ माघ १७ गते १६:४९ मा प्रकाशित

mahes-dai-1024x799भक्तपुर, १७ माघ । उद्योग मन्त्री महेश बस्नेतले एनेकपा—माओवादीसहितको मोर्चा आन्दोलनमा गए उनीहरूको अस्तित्व समाप्त हुने बताउनुभएको छ ।

नेकपा—एमाले सूर्यविनायक नगर कमिटी कार्यालयको आज उद्घाटन गर्दै उहाँले विपक्षीले गर्ने आन्दोलन, हड्तालमा अब जनताले साथ नदिने भएकाले द्वन्द्वको सीमालाई विपक्षीले नघटाए उनीहरूको अस्तित्व समाप्त हुने बताउनुभयो ।

संविधानसभा प्रक्रियामा गइसकेकाले अब ढिलोमा तीन महिनाभित्र संविधान जारी हुने दाबी गर्दै मन्त्री बस्नेतले विपक्षी दलहरू एक मधेस एक प्रदेशको नाममा विदेशीबाट आएको पैसा खाएर मुलुकलाई टुक्रयाउन लागिपरेको आरोप लगाउनुभयो ।

मुलुकको प्रगति, समृृद्धि र लोकतन्त्रको नेतृत्व एमालेले गरिरहेको चर्चा गर्दै उहाँले एमालेलाई कमजोर नठान्न विपक्षीलाई आग्रहसमेत गर्नुभयो ।

एमाले अध्यक्ष केपी शर्मा ओलीले देशद्रोही र मुलुकको राष्ट्रियतामाथि आँच पु¥याउनेका विरुद्धमा नेतृत्व गर्दै आउनुभएकाले केही व्यक्तिले अध्यक्षको पुत्ला जलाउँदैमा त्यसले कुनै अर्थ नराख्ने पनि उहाँको भनाइ थियो ।

प्रतिक्रिया