बिहीबार, असार १० २०७८
काठमाडौं ०२:०३
वासिङटन डिसी 16:18

क्यालिफोर्नियामा भएको सडक दुर्घटनामा ३ जना बालिकाको निधन ,एक गम्भीर घाईते

इनेप्लिज २०७८ जेठ २६ गते ११:१९ मा प्रकाशित

क्यालिफोर्नियामा भएको सडक दुर्घटनामा ३ जना बालिकाको निधन भएको दुखद समाचार छ भने एक गम्भीर घाईते भएकी छिन । प्रहरीले ठक्कर दिने सवारी साधनको व्यापक खोजी गरि रहेको जनाएका छन् ।

उक्त घटना क्यालिफोर्निया राज्यको दक्षिणी क्षेत्रको एक राजमार्गमा भएको हो । निधन हुने मध्ये २ जना पाङ्ग्रेकुर्सी(व्हिल चियर)मा रहेका थिए ।

उक्त घटना गत शनिबार भएको हो । क्यालिफोर्नियाको लुसर्न भ्यालीमा राती करिव १०:३० मिनेटमा सेतो शेभ्रोलेट सिल्भरडोले ठक्कर दिदा ३ जना बालिकाहरुको मृत्यु भएको हो ।

मृतक बालिकाहरुमा क्रमस ११ बर्षिय विलो सानचेज,१२ बर्षिय डेटोना ब्रोनस तथा सान्द्रा मिजर नामका बालिका परेका छन् । उनीहरु क्याम्प रक सडक नजिक हिड्ने क्रममा गाडीले ठक्कर दिएको एबिसीन्यूजमा समाचार छ ।

सान बर्नारडिनो काउन्टी अन्तर्गत मोजा भे समुदायको एक सडकमा दुर्घटना भएको प्रहरीले जनाएका छन् । साथै १४ बर्षिय बालिका नाटाली कोल अस्पतालमा गम्भीर अवस्थामा रहेकी छिन ।

तस्बिर : युएसए टुडे

 

प्रतिक्रिया