सोमबार, साउन ३० २०७९
काठमाडौं १६:१८
वासिङटन डिसी 06:33

बाल्टिमोरमा बिधार्थीलाई गाडीले ठोकेर भागेर मारेको अभियोगमा नेपाली मूलका गुरुङ प्रहरी द्वारा पक्राउ

इनेप्लिज २०७५ पुष १ गते १९:३२ मा प्रकाशित

अमेरिकाको मेरील्याण्ड राज्यको बाल्टिमोरमा टाउसन बिश्वबिद्यालयका बिधार्थीलाई गाडीले हानेर भागेर मारेको अभियोगमा नेपाली मूलका गुरुगलाई प्रहरीले पक्राउ गरेको छ । प्रहरी अधिकारीले ३६ बर्षिय मन बहादुर गुरुङ नामक नेपालीलाई पक्राउ गरेका छन् । प्रहरीका अनुसार १४०० बल्क अफ चेसाको एभेन्यु मा बसोबास गर्ने गुरुङको सवारी साधन २०१७ को खैरो टोयोटा भएको पत्ता लगाएका छन् ।

गुरुङले गत डिसेम्बर ८ तारिखका दिन रति राती १०;३० बजे टाउसन बिश्व बिद्यालयका २० बर्षिय बिधार्थीलाई रुक्स्टन रिज सडकको दक्षिणमा रहेको नर्थ चार्ल्स स्ट्रिट (गल्लि ) मा बाटो काट्ने क्रममा गाडीले ठोकेर हिडेका थिए । प्रहरीका अनुसार उक्त बिधार्थीलाई गाडीले हिर्काए पछि अर्को दोश्रो गाडीले पनि हिर्काएको थियो ।

उक्त निधन भएका २० बर्षिय बिद्यार्थीको नाम जुनियर आर्मुह हो । निधन भएका बिधार्थीका साथीका अनुसार उनले गेथेसबर्ग उच्च माध्यमिक बिद्यालयमा अध्ययन गरेको भनि बताएका छन् ।

उक्त दोश्रो चालकले गाडी रोकेर प्रहरीको ९११ मा खबर गरेका थिए तर उक्त बिधार्थीको अस्पतालमा निधन भएको थियो भनी प्रहरीले जनाएको छ । दुर्घटना पछि त्यहाँ बाट भागेका गुरुग माथि प्रहरीले ४ वटा अभियोग लगाउने भएको छ । गुरुङलाई बाल्टिमोर काउन्टी बिभागको सुधार गृहमा राखिएको छ भने उनको जमानत अस्वीकृत दर्जामा रहेको छ ।

अमेरिकामा हिट एण्ड रन अर्थात् सवारी साधनले ठोकेर भाग्नेलाई अपराध मानिन्छ । यसको परिणाम निकै गम्भीर हुन्छ । अमेरिकाका विभिन्न राज्यमा यसरी गाडीले ठोकेर भागेमा ५ हजार देखि २० हजार डलर सम्म जरिवाना गराउदछ ।साथै १५ बर्ष को कैद जरिवाना समेत हुने हुन्छ । तर यहाँ मानिसको मृत्यु भएको अवस्था छ ।

स्रोत :डब्लुएमएआर२ न्युज डटकम
तस्बिर :बाल्टिमोर काउन्टी प्रहरी बिभाग

प्रतिक्रिया