बुधबार, माघ ५ २०७८
काठमाडौं १६:०७
वासिङटन डिसी 05:22

डीसीमा यमपञ्चक प्रारम्भ अगाडी नै देउसीभैलो खेलिने ,चहलपहल सुरु

विजय थापा २०७५ कार्तिक १० गते ०:४३ मा प्रकाशित

डीसी महानगर क्षेत्रमा यमपञ्चक सुरु हुन अगाडि नै देउसी भैलो खेल्ने अग्रिम सूचना सार्बजनिक भएको छ । मेरिल्याण्ड राज्यमा स्थापित नेपाल सांस्कृतिक तथा शैक्षिक केन्द्र (एनईसीसी)नेपाली पशुपति बुद्ध मन्दिर को पहलमा यस बर्ष पनि देउसी भैलो कार्यक्रमको मिति,तिथि,स्थान तथा शहरहरुका नाम सहित सार्बजनिक गरेको छ ।

केही समय अगाडी एनईसीसीले १८ औ बार्षिक उत्सव सम्पन्न गर्दै कुल आम्दानीको ३२ प्रतिसत आम्दानी देउसी भैलो बाट रहेको जनाएको थियो । र तत्कालिन समयमा एनईसीसीका सभापतिले देउसी भैलोलाई निरन्तरता दिने प्रतिबद्धता जाहेर गरेका थिए ।

एनर्इसीसीले नोभेम्बर ३ देखि नोभेम्बर १७ सम्म देउसी भैलो खेल्ने तालिका निकालेको छ । यस बर्ष ६ दिनमा दुई दर्जन भन्दा ज्यादा स्थानमा खेल्ने भएको जनाएको छ ।

बिदाको दिन मात्र नभएर अन्य कामको दिन समेत गरेर खेल्ने छ । आगामी नोभेम्बर ३ र ४ पछि एकै चोटी नोभेम्बर ८ ,१० ११ मा खेल्ने छ । त्यसपछि भाई टिका समाप्त भएता पनि अन्तिम नोभेम्बर १७ तारिख सम्म खेल्ने छ ।

यस पटक डिसी महानगर क्षेत्रका वुडब्रिज ,मनासस ,साउथ राइडिंग,स्यानटीली ,हरनडन ,सेन्टरभिल ,लोर्टन,पशुपति बुद्ध मन्दिर ,गेथर्सबर्ग ,सिल्भर स्प्रिन्ग्स ,चेभी चेज ,फ्रेडेरिक ,जर्मन टाउन ,कोलम्बिया ,मोन्टो गोमेरी भिलेज आदि स्थानमा खेल्ने निधो गरेको छ ।

एनईसीसीले बिगत ४ वर्षदेखि खेल्दै आएको छ । नेपालीहरुको दोस्रो ठूलो चाड तिहार नोभेम्बर ५ तारिखदेखि सुरु हुने छ । दशैंको १५ दिनपछि आउने सबैभन्दा ठूला पर्वहरु मध्ये एउटा चाड हो । यो चाड कात्तिक कृष्ण पक्ष त्रयोदशीका दिन काग तिहारको नामले सुरु भएर कात्तिक शुक्ल पक्षको द्वितीया तिथिको भाइटीकासम्म पाँच दिन मनाइन्छ।

हिन्दू धर्मावलम्वीले दीपावलीको रुपमा यस पर्वलाई धूमधाम सित मनाउँछन् । यस पर्वको नाम हिन्दी शब्दको त्योहार शव्दबाट विकृत हुँदै तिहार बनेको अनुमान लगाइन्छ।

भैली अनि देउसी :अयोध्यावासीहरुले आफ्ना परम प्रिय राजाको आगमनमा खुशियाली मनाएका थिए। श्री रामको स्वागतमा अयोध्यावासीहरुले घिउका दियाहरु बालेका थिए ।

कार्तिकमासको बाक्लो कालो अमावस्याको त्यो रात्रि दियाहरुको उज्यालोले जगमगाएको थियो। मानिसहरुले घर-घरमा, गल्ली-गल्लीमा देव श्री राम (जसको अर्थ हुन्छ: हाम्रा राम देउता हुन्) को नारा लाउँदै घुमेका थिए ।

देव श्री रामबाट विकृत हुँदै देउसिरी राम, देउसिरे, देउसी भएको अनुमान गरिन्छ सोही परम्परालाई मान्दै आजपनि नेपालीहरु देउसी खेल्दै हिंड्ने चलन छ। देउसी खेल्ने टोलीलाई देउसे भनिन्छ र उनीहरुमा एउटा भट्याउने र अरु भट्याउनेको पछि-पछि देउसिरे भन्ने हुन्छन्।

प्रतिक्रिया