शनिबार, असोज ३० २०७८
काठमाडौं ०८:३४
वासिङटन डिसी 22:49

संगम होटल हत्याकाण्डः मूख्य नाईके सार्वजनिक, युवतीको विषयमा विवाद हुँदा हत्या

इनेप्लिज २०७३ जेठ १२ गते १४:३९ मा प्रकाशित

Sangam-Hotel-mnr

महेन्द्रनगर, १२ जेठ । कञ्चनपुर सदरमुकाम महेन्द्रनगरको संगम होटलमा गत बैशाख २३ गते मध्यराति भएको दुई जनाको हत्यामा संलग्न मुख्य नाईकेलाई प्रहरीले सार्वजनिक गरेको छ ।

बुधबार जिल्ला प्रहरी कार्यालय कञ्चनपुरले पत्रकार सम्मेलन गरी संगम होटलमा भएको हत्याकाण्डका मूख्य नाईके तारासिंह बोहरालाई सार्वजनिक गरेको हो । प्रहरीले २१ दिनपछि हत्याका मुख्य योजनाकार बोहरालाई भारतको चण्डिगढबाट पक्राउ गरि नेपाल ल्याएर बुधबार सार्वजनिक गरेको हो ।

बेदकोट नगरपालिका १८ बर्षीय बोहरा होटलका पूर्वकामदार भएको प्रहरीले जनाएको छ । जिल्ला प्रहरी कार्यालय कञ्चनपुरका प्रमुख एसपी तुलसी प्रसाद अधिकारीले होटेलका कामदारद्वय कृष्णसिंह विष्ट र भीम बहादुर रोकायाको हत्या बोहराले गरेको स्वीकार गरिसकेको बताए । उनका अनुसार बोहराले होेटेलकै कामदार चन्द्रदेब जोशीलाई मरिसकेको भन्दै छोडेका थिए ।

प्रहरीले हत्याको मुख्य कारण मदिर, मोबाईल, मेमोरिकार्ड र किशोरा अवस्थाको आवेग र आफ्नो प्रेमिकासंग भीमले बारम्बार फोन गरेको प्रारम्भिक अनुसन्धानबाट पत्ता लगाएको छ । बोहराले बैशाख ११ गते देखि १८ गतेसम्म उक्त होटेलमा काम गरेका थिए । काम गर्दा होटेलका कामदार भीम रोकायासंग निकै घुलमिल भएको समेत प्रहरीले जनाएको छ । बोहरा र रोकायाबीच फोन, मेमोरी, सिम, डाटा, साँटासाट हुने गरेको थियो ।

बैशाख १८ गते होटेलबाट काम छोडी घर गएका बोहरा २१ गते होटेलमा आएर भीमसंग मेमोरी माग्न आएपनि भीमले बोहराको मेमोरी आफूसंग नभएको भनेपछि उनीहरुबीच विवाद समेत भएको प्रहरीले रहस्य खोलेको छ । ‘मेमोरी नदिए देखाईदिने भन्दै बोहरा २१ गते घर गएका थिए,’ प्रहरी उपरीक्षक अधिकारीले भने– ‘घर गएपछि २३ गते एक हजार नगद र झोलामा हसिया ल्याएर बोहरा पुनः महेन्द्रनगर आए ।’ महेन्द्रनगरको बसपार्कमा रक्सी खाएर बोहरा झोलुङ्गेपुल घुम्न गएका थिए । झोलुङ्गे पुलबाट घुमेर आएका बोहरा फेरि १०ः३० बजे होटेल प्रवेश गरेको प्रहरी उपरीक्षक अधिकारीले बताउनुभयो ।

बोहराले झोलामा एक बोतल भर्जिन नामक रक्सी लिएर होटेल प्रवेश गरेपछि भीम र बोहराले उक्त रक्सी संगै बसेर खाए । रक्सी खाँदा उनीहरुबीच विवाद शुरु भएपछि बोहराले जोशीलाई प्रहार गरे । भीमलाई घाइते बनाए । घाईते भीम भर्याङ चढ्दा पुनः हरिया प्रहार गरेर मारेका थिए ।

घटनाका मुख्य अभियुक्त सार्वजनिक गरिँदै

उनीहरुको हत्या गरेपछि बोहरा हतियार लिएर ऐठपुर क्षेत्रको नालीमा छोडेर भारत भागेका थिए । बोहराले उनीहरुसित नसोचेको व्यवहार गरेको प्रहरीले जनाएको छ । प्रहरीले बोहराको साथबाट रोकायाले प्रयोग गर्ने सामसुङ डुओ मोबाईल र सिम बरामद गरेको छ । सुतेका कुक कृष्णले थाहा पाउने हुन भनेर उनलाई समेत मारेको प्रहरीको प्रारम्भिक अनुसन्धानबाट खुलेको छ ।

१८ बर्षीय बोहरा समान्य घरपरिवारका सदस्य हुन् । उनी पूर्व माओवादीको लडाकु नभएको समेत प्रहरीले स्पष्ट पारेको छ । पहिलेदेखि नै रिसालु स्वभावका बोहरा तीन पटक एसएलसीमा फेल भएपछि धनगढीस्थित डिभोटी तालिम केन्द्रमा कुकको तालिम लिएका थिए । बैदेशिक रोजगारका लागि विदेश जाने तयारीमा रहेका बोहराले एकाएक यस्तो घटना घटाएको प्रहरीले जनाएको छ ।

किशोरा अवस्थामा आफूलाई सम्हाल्न नसक्नुले यस्ता जघन्य अपराध हुने गरेको प्रहरीको अनुमान छ । घटनालगत्तै प्रहरीले होटेल संचालक मोहन खत्रीलाई समेत नियन्त्रणमा लिएको थियो । बोहरा पक्राउ परेपछि होटेल संचालक खत्रीलाई प्रहरीले बुधबार बिहान छाडेको छ । प्रहरीले अनुसन्धानका लागि भन्दै १५० बढी फोन ट्यापका साथै कुकुरसमेत प्रयोग गरेको थियो ।

यसैबीच घाईते जोशीलाई पनि प्रहरीले आफ्नो कार्यालमा राखेको छ । थप अनुसन्धानका लागि भन्दै प्रहरीले जोशीलाई कार्यालयमा राखेको हो । घटनाबारे अझै अनुसन्धान भइरहेको प्रहरीले जनाएको छ ।

Sangam-Hotel-arrested-1

उक्त घटना भएपछि प्रहरीले अनुसन्धानका लागि कुकुर, केन्द्रीय अनुसन्धान ब्यूरो, क्षेत्रिय अनुसन्धान टिम र जिल्ला प्रहरी कार्यालयको जनशक्ति खटाएको थियो ।

पत्रकार सम्मेलनमा भने युवती को हुन् ? भन्ने विषयमा प्रहरीले केही जानकारी दिएको छैन् ।

यसरी होटलमा भएका जघन्य हत्याको सर्वत्र बिरोध समेत गरिएको छ । दोसीलाई कडा कार्बाही गर्न सबैक्षेत्रबाट माग आएको छ । घटना भएपछि होटेल आजसम्म पनि बन्द रहेको छ ।

छोटकरीमा घटना विवरणः
– होटलमा काम गर्ने वाजुरा कोल्टीका भिम वहादुर रोकाया संग अभियुक्त तारा बोहराको निकै राम्रो सम्वन्ध रहेको । राम्रै हिमचिम रहेको ।
– तर, केही समय यता ति दुवै जनामा मेमोरीकार्डको विषयमा लिएर विवाद भएको ।
– तारा वोहरा १० दिन जती होटलमा काम गरेर तलवको विषयमा चित्त नवुझेको भन्दै काम छाडेर गएको ।
– त्यसपछि केही दिनपछि आफनो मोवाईलको मेमोरीकार्ड लिन आएको ।
– फेरि विवाद हुदा तलाई देखाउछु भन्दै गएको छ ।
– त्यसपछि फर्केर वैशाख २३ योजनाबद्ध तवरले आएर हसियाले प्रहार गरी घटना घटाएको ।
– भिम वहादुर रोकायले ताराको केटी साथीको फोटाहरु र उसको नम्वरमा पटक पटक फोन गर्ने गरेको ।
– त्यही विषयमा विवादले घटनाको रुप लिएको ।

प्रतिक्रिया