पूर्व प्रधान मन्त्रि तथा नेपाली कांग्रेसका सभापति सुशील कोइरालाको निधन भएको छ । काठमाडौंको महाराजगञ्जस्थित भतिजा सशांक कोइरालाको घरमा सोमबार राति १२ बजेर ३० मिनेटमा उनको निधन भएको हो l

लामो समयदेखि जिब्रोको अबुर्द रोग बाट पीडित हुनु हुन्थ्यो भने अमेरिकाको न्यूयोर्कमा क्यान्सरको लामो उपचार भै चिकित्सक ले निको भएको जानकारी दिएका थिए l कोइराला ७९ वर्ष पूरा भई ८० लागेका थिए । निमोनिया र ज्वरोका कारण अस्वस्थ रहेका थिए l निमोनिया बढे पछि अचानक हृदय घातबाट मृत्यु भएको कोइरालाका निजि चिकित्सक डा करबिरनाथ योगीले जानकारी दिएका थिए l

बि पी कोइरालाको प्रजातान्त्रिक समाजवादी धारणाबाट प्रेरित भई उनी २०१० सालदेखि राजनीतिमा सक्रिय रहँदै आएका थिए प्रजातन्त्रको घटी निमोठीए पछि भारतमा लामो समय सम्म प्रवासमा बस्नु परेको थियो । स्व कोइरालाको जन्म सन् १९३९ मा पिता बोधप्रसाद र माता कुमुदिनीका ज्येष्ठ सुपुत्रका रूपमा विराटनगरमा भएको थियो ।

कांग्रेसद्वारा सम्पूर्ण निर्वाचन प्रक्रिया स्थगित, केन्द्रिय समितिको आकस्मिक बैठक बोलाइयो –

नेपाली कांग्रेसले १३ औँ महाधिवेशनका सन्दर्भमा भइरहेका सम्पूर्ण निर्वाचन प्रक्रिया अनिश्चितकालका लागि स्थगित गरेको छ । सभापति सुशील कोइरालाको आज बिहान अकास्मात निधन भएपछि कांग्रेसले निर्वाचन प्रक्रिया अनिश्चितकालका लागि स्थगित गरेको हो ।

कांग्रेस पार्टी कार्यालयका कार्यबहाक मुख्य सचिव प्रदीप पराजुलीले एक विज्ञप्ती जारी गर्दै महाधिवेशनको सम्पूर्ण निर्वाचन सम्बन्धी कार्यक्रमहरु अर्को सूचना नभएसम्मका लागि स्थगित गरिएको जनाएका छन् ।