भूकम्प पीडिको घर बनाउन खेलकुद मन्त्रालयले खेलाडी खटायो

काठमाडौँ, २७ वैशाख । युवा तथा खेलकुद मन्त्रालयले भूकम्पपीडित सर्वसाधारणलाई अस्थायी बसोबासको व्यवस्था गर्न टहरालगायत ओत लाग्ने स्थान निर्माण गर्न खेलाडी र खेल पदाधिकारीलाई परिचालन गर्ने भएको छ । युवा तथा खेलकुद मन्त्री पुरुषोत्तम पौडेलको अध्यक्षतामा आज उक्त मन्त्रालयमा भएको बैठकले भूकम्पबाट जिल्लाका खेलकुद संरचनामा भएको क्षतिको विवरण तथा ती संरचना सञ्चालनका निम्ति कार्ययोजनासमेत बनाउने निर्णय गरेको छ । बैठकले भूकम्पपीडितको सहयोगार्थ मन्त्रालय र मातहतका कार्यालयबाट सहायता रकम सङ्कलन गरी प्रधानमन्त्री दैवी प्रकोप उद्धार कोषमा दाखिला गर्ने निर्णय पनि गरेको छ । रासस