नाजी जर्मनीले आत्मसमर्पण गरेको तथा उक्त पराजयमा रेड आर्मीको प्रमुख भूमिकाको सम्झनामा मस्कोमा राम्रोसँग योजना तयार गरिएको परेडको आयोजना गरिएको थियो । विजय दिवस रसियाका लागि सबैभन्दा महत्वपूर्ण धर्मनिरपेक्ष विदाको दिन हो । उक्त युद्धमा सोभियत सङ्घले पनि ठूलो क्षति ब्यहोर्नुपरेको थियो । राष्ट्रपति पुटिनले रसियालाई शान्ति र सुरक्षाको शक्तिको रूपमा प्रस्तुत गर्नुभयो ।

उहाँले अन्तर्राष्ट्रिय सहयोगको महत्व भए पनि गत दशकमा एकध्रुवीय विश्व बनाउन प्रयास भएको बताउनुभयो । यी शब्द अमेरिकाले विश्वमामिलामा पारेको प्रभावको आलोचनाका लागि रसियाले उपयोग गरिरहेको छ ।