मंगलबार, कार्तिक ११ २०७७
काठमाडौं ११:२२
वासिङटन डिसी 01:37

नेपालमा जातीय प्रदेश असम्भव छ: थापा

इनेप्लिज २०७१ फागुन २३ गते ९:०१ मा प्रकाशित

Gagan-Thapaबेनी (म्याग्दी), २३ फागुन । नेपाली काँग्रेसका युवा नेता गगनकुमार थापाले नेपालमा जातीय प्रदेश बन्नै नसक्ने बताउनुभएको छ ।

नेपाल शिक्षक सङ्घ म्याग्दीको १८औँ जिल्ला प्रतिनिधिसभाको उद्घाटन गर्दै सभासद् थापाले नेपाल बहुजातीय र बहुपहिचानसहितको मुलुक भएको हुनाले यहाँ कुनै जातिविशेषको अग्राधिकार रहने गरी प्रदेश बन्नै सक्दैन भन्नुभयो । “सबै जात र जातिको समान बाहुल्य, पहिचान र अधिकारसहितको थोरै प्रदेश नै नेपालका लागि उपयुक्त हुन्छ” थापाले भन्नुभयो ।

नेता थापाले अब बन्ने संविधानले नागरिकलाई अधिकारको प्रत्याभूति गराउने र शिक्षकले विद्यार्थीलाई कर्तव्य पालनाको शिक्षा दिई सबल र योग्य नागरिक बनाउनुपर्नेमा जोड दिनुभयो ।

प्रतिक्रिया