आज भक्तपुरमा रफत सञ्चार क्लबले आयोजना गरेको अन्तरसम्वाद कार्यक्रममा उहाँले सत्तापक्ष र विपक्षी दलबीच सहमतिका लागि अनौपचारिक छलफल सुरु भएको बताउनुभयो ।

उहाँले भन्नुभयो, “संविधान निर्माणका विवादित विषयमध्ये न्याय प्रणाली, शासकीय स्वरुप र राज्यको पुनःसंरचनाको विषयमा सहमति गरेर जाने विषयमा औपचारिक, अनौपचारिक वार्ता भइरहेको छ, सहमतिका लागि विपक्षी दलहरु निकै लचक भएका छन् ।”

संवैधानिक अदालत राख्ने, न्याय परिषद्मा राजनीतिक दलबाट नियुक्ति गर्ने र पहिचानसहितको सङ्घीयताका बारेमा सत्तापक्ष र विपक्षी दलबीच कुराकानी भइरहेको उहाँको भनाइ थियो ।

आगामी फागुन ३० गतेसम्म पनि निर्णायक रुपमा वार्ता नभए चैत १ गतेदेखि विपक्षी मोर्चाले आन्दोलन सुरु गर्ने उहाँको भनाइ थियो ।