आइतबार, कार्तिक ९ २०७७
काठमाडौं १४:११
वासिङटन डिसी 04:26

धादिङका मानवबेचविखन आरोपीलाई थुनामा राख्न आदेश

इनेप्लिज २०७१ माघ १५ गते १५:०३ मा प्रकाशित

13020348koplahjfdgगजुरी (धादिङ), १५ माघ । दुई बालिकालाई ललाइ फकाइ बिक्री गर्न लागेको भन्ने आरोपमा गिरफ्तार गरिएकी नीलकण्ठ गाविस– ४ बिमिरेकी ३७ वर्षीया ठूलीकाली गुरुङलाई जिल्ला अदालतले आज पुर्पक्षका लागि थुनामा राख्न आदेश गरेको छ ।

नौबिसे गाविसका १४ र १५ वर्षीया दुई बालिकालाई बिक्री गर्न घरबाट ललाइ फकाइ केटा हेर्न बोलाएर बिक्री गर्न खोजेको आरोप लगाइ पीडित पक्षले इलाका प्रहरी कार्यालयमा खबर गरेपछि अभियुक्त गुरुङलाई गत पुस २२ गते नौबिसे गाविस–६ टायलघरबाट गिरफ्तार गरिएको थियो ।

प्रहरीको सहयोगमा आफूहरुलाई उद्धार गरिएको बताउँदै बिक्रीका लागि लैजान लागेको किटानी जाहेरी पीडित पक्षले पुस २३ गते जिल्ला प्रहरी कार्यालयमा दिएका थिए । प्रहरीले अनुसन्धानपछि आज  जिल्ला अदालतमा पेस गर्दा जिल्ला अदालतले पुर्पक्षका लागि थुनामा राख्न आदेश गरेको हो ।

बलात्कार आरोपी गिरफ्तार

खाल्टे गाविसकी एक २५ वर्षीया युवतीलाई बलात्कारको आरोपमा खाल्टे गाविस–८ धुसेनीका ३० वर्षीय सागर गुरुङलाई आज प्रहरीले पक्राउ गरेको छ ।

माइती घरमा बसेकी अपाङ्ग अवस्थाकी युवतीलाई यही माघ १ गते राति घरभित्र पसी गुरुङले बलात्कार गरेको पीडितले आज दिएको जाहेरीमा उल्लेख गरेकी छिन् ।

प्रतिक्रिया