शुक्रबार, कार्तिक १४ २०७७
काठमाडौं १३:२४
वासिङटन डिसी 03:39

निषेधको राजनीतिले संविधान बन्न दिएन: अध्यक्ष थापा

इनेप्लिज २०७१ पुष २४ गते ५:५४ मा प्रकाशित

gas

काठमाडौँ, २३ पुस – राष्ट्रिय प्रजातन्त्र पार्टी नेपालका अध्यक्ष कमल थापाले संविधान निर्माण प्रक्रियामा अवरोध सिर्जना हुनुमा निषेधको राजनीति मुख्य कारक भएको बताउनुभएको छ ।

राप्रपा नेपालसँग अखण्ड सुदूरपश्चिम पार्टीको एकता घोषणा कार्यक्रममा दिगो र चिरस्थायी संविधान निर्माणमा राप्रपा नेपाल जहिले पनि सकारात्मक र रचनात्मक भूमिका निर्वाह गर्न तयार रहँदारहँदै पनि निषेध गरेकामा चिन्ता व्यक्त गर्नुभयो ।

उहाँले माघ ८ मा संविधान बन्ने सम्भावना समाप्त भएको पनि उल्लेख गर्नुभयो । मुलुकको धर्म, संस्कृति र पहिचान कमजोर बनाउन विदेशी पैसाको प्रयोग भएको उहाँको दाबी थियो । पार्टीमा नवप्रवेशीलाई स्वागत गर्दै अध्यक्ष थापाले पार्टीमा सम्मानजनक भूमिका दिने बताउनुभयो ।

अखण्ड सुदूरपश्चिम पार्टीका अध्यक्ष पुष्करराज जोशीले राप्रपा नेपाललाई मुलुकको पहिलो राष्ट्रवादी प्रजातन्त्रिक शक्ति बनाउन आफूहरुले प्रभावकारी भूमिका खेल्ने प्रतिबद्धता जनाउनुभयो । सोही कार्यक्रममा नेपाली चलचित्रकी नायिका शिवाङ्गिनी राणा पनि राप्रपा नेपाल प्रवेश गर्नुभएको थियो । रासस

प्रतिक्रिया