कोलोराडोमा हराई रहेका छायाचित्रकारको शव फेला

अमेरिकाको कोलोराडो राज्यमा हराई रहेका छायाचित्रकारको शव पश्चिम कोलोराडोमा फेला परेको छ । अनुसन्धान तथा उद्धारटोलीले गत शुक्रबार जुलाई २४ का दिन हराई रहेको छायाचित्रकार(फोटोग्राफर)को शव फेला पारेको जनाएका छन ।

उनि लामो पैदल यात्रा(हाइकिङ्ग)मा निस्केका थिए । ६२ बर्षिय कोनराड अर्नेस्ट नामका छायाचित्रकारको शव कोलोराडो नेसनल मोनुमेन्टको दक्षिण तर्फको ग्लेड उद्यानमा फेला परेको मसा काउन्टी प्रहरीले जनाएका छन् ।

उनको शव परीक्षण भने बिचारधीनमा रहेको छ । उनको निधनको अनुसन्धान भै रहेको छ भने कुनै शंका नगरिएको प्रहरीले जनाएका छन । मृतक छायाचित्रकार अर्नेस्टले रातिको समयमा तस्बिर खिच्नेमा विशेषज्ञ गरेका थिए ।

अनुसन्धानकर्ताले उनको मृत शरीरलाई मिराकल रक क्यापग्राउण्डमा उनको सवारी साधन भेटे पछि फेला पारेका थिए ।

श्रोत : एपी/एबिसीन्युज