आइतबार, असार ६ २०७८
काठमाडौं ०२:२९
वासिङटन डिसी 16:44

संविधान कार्यान्वयन गर्न तीनैतहको चुनाव : सभापति देउवा

इनेप्लिज २०७३ पुष २१ गते १४:११ मा प्रकाशित

दमौली, २१ पुस । नेपाली काँग्रेसका सभापति शेरबहादुर देउवाले संविधान कार्यान्वयन गर्न तीनैतहको चुनाव हुनुपर्ने बताउनुभएको छ ।

छैठौँ तनहुँ महोत्सवको आज दमौलीमा उद्घाटन गर्दै सभापति देउवाले स्थानीय निकाय, प्रान्तिय सभा र संसदको चुनाव हुन सकेमात्रै सङ्घीय लोकतान्त्रिक गणतन्त्र संस्थागत हुने बताउनुभयो ।

सर्वोच्च अदालतको आदेशपछि प्रतिपक्षी नेकपा (एमाले)ले संसद खुल्न दिनेमा आफू विश्वस्त रहेको बताउँदै उहाँले २०७४ माघ ७ भित्रै तीनवटै चुनाव हुन नसके मुलुक गम्भीर सङ्कटमा फस्ने भएकाले सबै नेपाली जनता त्यसतर्फ सचेत भई चुनावको वातावरण बनाउनेतर्फ लाग्नुपर्ने उल्लेख गर्नुभयो ।

देशमा स्थायी शान्ति भए नेपाललाई दक्षिण एशियाकै धनी देश बनाउन सकिने दाबी उहाँले गर्नुभयो ।

यसैबीच, सभापति देउवाले नेपाली कांग्रेस तनहुँको विपी स्मृति भवनमा आयोजित कार्यकर्ता भेटघाट कार्यक्रमलाई सम्बोधन गर्दै स्थानीय निर्वाचनका लागि जुट्न कार्यकर्तालाई आग्रह गर्नुभयो ।

मधेसी मोर्चाको मागलाई सम्बोधन हुने गरी ल्याइएको संविधान संशोधन विधेयकलाई सफल गराएरै छाडने उहाँको भनाइ थियो ।

प्रतिक्रिया