सोमबार, कार्तिक १० २०७७
काठमाडौं १६:४६
वासिङटन डिसी 07:01

एमाओवादी नेतृत्वको मोर्चालाई संविधानसभाबाट बाहिर ल्याउँछौंः महासचिव थापा

इनेप्लिज २०७१ माघ ३ गते ११:२९ मा प्रकाशित

badal-nepal-maoistकाठमाडौँ, ३ माघ । नेकपा–माओवादीका महासचिव रामबहादुर थापाले एकीकृत नेकपा माओवादी नेतृत्वको मोर्चालाई संविधानसभाबाट बाहिर ल्याउने प्रयासमा आफूहरु लागिरहेको बताउनुभएको छ ।

पार्टीका उपत्यकाका अगुवा कार्यकर्तालाई कुपन्डोलस्थित माओवादी जनवर्गीय सङ्गठनको कार्यालयमा प्रशिक्षण दिँदै उहाँले सत्तारुढ दलहरुले एमाओवादीको मोर्चालाई पेलेर संविधान लेख्ने तयारी गरिरहेकाले उनीहरु भूमिकाविहीन अवस्थामा संविधानसभामा बस्नुको विकल्प नरहेको धारणा राख्नुभयो ।

कतिपय विषयमा अन्तरविरोध रहे पनि तत्कालीन कार्यनीतिका रुपमा मोर्चासँग सहकार्य गरी माघ ६ गतेदेखि संयुक्त रुपमा आन्दोलन गर्न लागिएको उहाँले जानकारी दिनुभयो ।

आफ्नो पार्टीले विगतमा भनेजस्तै संविधानसभाबाट अग्रगामी संविधान बन्ने सम्भावना क्षीण बन्दै गएकाले सर्वपक्षीय राजनीतिक सभामार्फत संविधान लेख्नका लागि दबाबमूलक आन्दोलनको तयारीमा लाग्न उहाँले कार्यकर्तालाई निर्देशन दिनुभयो ।

कार्यक्रममा माओवादी पोलिटब्युरो सदस्य कुलप्रसाद केसीले माघ ६ गतेदेखि सुरु हुने आन्दोलन माघ ८ गतेसम्म निरन्तर रहने जानकारी दिँदै सोहीअनुसार तयारी गर्न कार्यकर्तालाई निर्देशन दिनुभयो ।

प्रतिक्रिया