आज विराटनगरमा आयोजित शाान्ति प्रक्रिया र संविधान निर्माणमा देखिएका चुनौती र समाधानका उपाय विषयक गोष्ठीमा मन्त्री रिजालले विपक्षी दलहरु सहमतिमा नआए संविधान निर्माण प्रक्रियालाई रोकेर बस्न नसकिने बताउनुभएको हो ।

मन्त्री रिजालले जनताले दिएको अभिमतको खिलापमा गएर माओवादीलगायतका दलको चाहना अनुकूल संविधान बनाउन नसकिने जिकिर गर्नुभयो ।

सरकारका प्रवक्तासमेत रहनुभएका मन्त्री रिजालले माओवादीलगायतको ३० दलीय मोर्चा सहमतिमा नआए दुई तिहाइको आधारमा भए पनि संविधान बन्ने दाबी गर्नुभयो ।

उहाँले माओवादीको दोधारे नीतिका कारणले संविधानसभा अनिर्णयको बन्दी बनेको आरोप लगाउनुभयो । जनताले संविधान चाहेकाले मोर्चाको आन्दोलनलाई जनताले समर्थन नगर्नेसमेत बताउनुभएको छ ।