ओली निवास बालकोटमा बिहान ७ः३० बजे पुग्नुभएका काँग्रेस महामन्त्री सिटौला र ओलीबीच पौने एकघन्टा भेटवार्ता भएको थियो ।

पौने ९ बजे सिटौला बाहिरिएपछि फोरम(लोकतान्त्रिक)का अध्यक्ष गच्छदार बिहान ९ बजे ओली निवास पुग्नुभएको थियो ।

ओली र गच्छदारबीच दुई घन्टा कुराकानी भएको नेता ओलीका स्वकीय रमेश आचार्यले जानकारी दिनुभयो । नेता गच्छदार बिहान ११ बजे फर्किनुभएको थियो । ओलीसँग सिटौला र गच्छदारको छुट्टाछुट्टै भेटमा देशको वर्तमान राजनीतिक गतिरोध अन्त्य गर्ने र सहमतिका लागि छलफल अगाडि बढाउने बारेमा कुराबानी भएको आचार्यले जानकारी दिनुभयो ।

एमाओवादी अध्यक्ष दाहाल चीन भ्रमणबाट फर्किएलगत्तै शनिबार शीर्र्ष नेताबीच छलफल गर्न दलहरु तयार भएपछि शीर्ष भेटलाई सहज बनाउन आज उहाँहरुबीच भेट गरिएको स्रोतले बताएको छ । यसअघि बुधबार साँझ ओली निवासमा एमाओवादी उपाध्यक्ष डा बाबुराम भट्टराईको डेढ घन्टा भेटवार्ता भएको थियो ।