बुधबार, कार्तिक ५ २०७७
काठमाडौं १०:२५
वासिङटन डिसी 00:40

पुटिनद्धारा आत्मनिर्भर हुन जनतासँग अपील

इनेप्लिज २०७१ पुष ६ गते ८:०७ मा प्रकाशित

844745Dr
काठमाडौं, १९ मंसिर । रुसी राष्ट्रपति भ्लादिमिर पुटिनले देशका लागि आगामी दिन निकै कष्टकर हुनसक्ने भन्दै सबै देशबासीलाई सचेत गराएका छन् । संसदमार्फत् राष्ट्रलाई सम्बोधन गर्दै उनले आत्मनिर्भर हुन जनतासँग अपील पनि गरे ।

क्रेमलिनमा दुबै सदनलाई सम्बोधन गर्दै पुटिनले ‘चारैतर्फ फलामको पर्खाल खडा गरेर आफ्नो देशमा संकट सिर्जना गर्न खोजिएको’ भन्दै पश्चिमी देशहरुको आलोचना गरेका हुन् । आगामी वर्ष रुसले आर्थिकमन्दी ब्यहोर्नुपर्ने भन्दै चेतावनी पनि रुसी सरकारले दिएको छ ।

तेलको गीर्दो भाउका कारण रुसको अर्थतन्त्र प्रभावित हुँदा ‘रुबल’को क्रयशक्ति दिनप्रतिदिन खस्कँदै गएको छ । यसका साथै छिमेकी देश युक्रेनको समस्याका कारण पश्चिमा देशहरुले रुसमाथि आर्थिक प्रतिबन्ध लगाएका छन् ।

हाल रुसी मुद्रा रुबल पछिल्लो डेढ दशककै सबैभन्दा कमजोर अवस्थामा पुगेको छ । सोमवार मात्र रुबलमा सन् १९९८ पछिकै सबैभन्दा बढी गिरावट आएको थियो ।

पुटिनले युक्रेनको स्वामित्वमा रहेको क्राइमिया अधिग्रहण गरेकोमा कुनै पश्चाताप समेत नरहेको प्रतिक्रिया दिँदै पश्चिमा राष्ट्रहरुको प्रतिबन्धले रुसलाई कुनै असर नपर्ने बताए ।

यसैबीच, स्वीट्जरल्यान्ड पुगेका अमरिकी विदेशमन्त्री जोन केरीले भने पश्चिमी देश रुससँग कुनैखाले द्धन्द्ध लिने पक्षमा नरहेको जिकिर गरेका छन् । पूर्वी युक्रेनमा पृथकतावादीलाई दिँदै आएको समर्थन रोकेमा रुससँग पूर्ववत सम्बन्ध हुने केरीको भनाइ छ । (एजेन्सी)

प्रतिक्रिया