इनेप्लिज
२०८१ चैत १७ गते ०:०८ मा प्रकाशित
म्यानमार र थाइल्याण्डमा भत्किएका भवनहरूमा खोजी तथा उद्धार कार्य जारी रहेको हुँदा मृतक संख्या अझै बढ्न सक्ने अधिकारीहरूले बताएका छन्।
म्यानमारमा मृतक संख्या २,०५६ पुगेको छ भने ३,९०० भन्दा बढी घाइते भएका छन् । यसै गरि २७० जना हराइरहेको म्यानमारको सैन्य प्रशासनले जनाएको छ।
बैंककमा, चातुचक क्षेत्रमा भएको भवन दुर्घटनामा कम्तीमा १३ जनाको मृत्यु भएको बैंकक महा नगर निकायले जनाएको छ।
म्यानमारमा शक्तिशाली भूकम्पपछि थप परकम्पनहरूको श्रृंखला जारी रहेको छ । २,००० भन्दा बढी मानिसको मृत्यु भएको पुष्टि गरिएको छ भने तर मृत्युको संख्या अझै बढ्न सक्ने आशंका गरिएको छ।
त्यसै कम्तिमा २,०५६ मानिस घाइते भएका छन् भने अरू धेरै अझै हराइरहेका छन्। उपकरणहरु कम भएका कारण उद्धारकर्मी र स्वयंसेवकहरू ध्वस्त भवनहरूको भग्नावशेषमा लाशहरूको खोजी गरि रहेका छन् ।
विपक्षी दलहरूले एकपक्षीय दुई हप्ता लामो युद्धविराम घोषणा गरेका छन्, तर सैनिकहरुले आक्रमण जारी राखेको आरोप लगाएका छन्।
म्यानमार सैनिक सरकार:
म्यानमारको सैनिक सरकारले सन् २०२१ मा सैन्य विद्रोह मार्फत सत्ता कब्जा गरेको थियो, जसको नेतृत्व वरिष्ठ सैनिक प्रमुख मिन आङ ह्लाइङले गरेका थिए। ५० वर्षको सैनिक शासन पछि म्यानमारको छोटो लोकतान्त्रिक प्रयोगलाई अन्त्य गर्यो।
म्यानमारको सैनिक सरकार अहिले देशभरिका विभिन्न विद्रोही र जातीय समूहहरूसँग लडिरहेको छ, जसका सबै सदस्यहरूले सैनिक शासनको विरोध गर्दै आएका छन्।
त्यसको अतिरिक्त सैनिक सरकारले रूस र चीन जस्ता देशहरूसँग ठुला हातहतियार सम्झौताहरू सुरक्षित गरेको छ ।
म्यानमार सैनिक सरकारद्वारा आक्रमण जारी :
म्यानमारको सैनिक सरकारले भूकम्पको आपतकालीन उद्धार प्रयासहरूमा मद्दत पुर्याउने उद्देश्यले म्यानमारका प्रमुख विद्रोही आन्दोलनले एकपक्षीय आंशिक युद्धविराम घोषणा गरेपछि पनि आक्रमणहरू जारी राखेको छ।
देशको उत्तरपश्चिमी क्षेत्रमा पौक नगरपालिकामा हवाई आक्रमणहरूको विवरणहरु प्राप्त भएका छन् । सैनिक बलहरूले चीनसँगको सीमा नजिक कचिन राज्यको भामोमा पनि आक्रमण गरेका छन्।
म्यानमारले २०२१ को सैनिक विद्रोहदेखि व्यापक संघर्षको सामना गर्दै आएको छ, जसमा जातीय विद्रोही समूहहरूले सैनिक सरकारसँग लडिरहेका छन्।
प्रतिक्रिया