म्यानमारमा भूकम्पको कारण १४४ जनाको मृत्यु भएको छ । जसैनिक सरकारले पहिलो आधिकारिक मृत्युदरको रूपमा सार्वजनिक गरेको छ।

सन् २०२१ देखि म्यानमारको नेतृत्व गरिरहेका वरिष्ठ सैनिक प्रमुख मिन आङ ह्लाइङका अनुसार नेपीटाव काउन्सिल क्षेत्रमा ९६, सगाइङमा १८ र क्याउक्सेमा ३० जनाको मृत्यु भएको छ। देशभर कम्तीमा ७३२ जना घाइते भएका छन्।

“क्षतिपूर्ति अझै बढ्न सक्छ,” उनले भने। “धेरै क्षेत्रहरूमा भवनहरू भत्किएका छन्, र उद्धार कार्य जारी छ। म स्वयंले केही प्रभावित स्थानहरूको भ्रमण गरेर अवस्था मूल्याङ्कन गरेको छु। म सबैलाई हातेमालो गर्दै उद्धार अभियानलाई सहयोग गर्न अपिल गर्न चाहन्छु।”

उनले आपतकाल घोषणा गरिएको जानकारी गराउँदै अन्तर्राष्ट्रिय सहायता पनि मागेका छन्, जुन म्यानमारका लागि दुर्लभ कदम हो। त्यसैगरी, थाइल्यान्डमा भवनहरू ढलिरहेको र हल्लिएको नाटकीय दृश्यहरू कैद भएका छन्।

शुक्रबार आएको ७.७ म्याग्निच्युडको भूकम्पले सम्पूर्ण दक्षिणपूर्वी एशिया हल्लाएको छ । यसले गगनचुम्बी भवनहरू भत्काउनुका साथै म्यानमारदेखि थाइल्यान्डसम्म १०० भन्दा बढीको ज्यान लिएको र धेरैलाई बेपत्ता बनाएको छ।

भूकम्पको केन्द्र म्यानमारको दोस्रो ठूलो शहर माण्डलेमा भए पनि करिब ६०० माइल टाढाको बैंककले समेत भूकम्पको झट्का महसुस गर्यो।

म्यानमार र थाइल्याण्डमा शक्तिशाली ७.७ परिमाण (म्याग्निच्युड)को भूकम्प, दर्जनौं बेपत्ता