अध्यावधिक गरिएको : अमेरिकाको फ्लोरिडा राज्यको फ्लोरिडा स्टेट युनिभर्सिटी (एफएसयु )टलाहासीमा बिहीवार भएको गोलीकाण्डमा कम्तीमा दुई जनाको मृत्यु र पाँच जना घाइते भएका छन्। प्रहरीले जनाए अनुसार मृत्यु हुनेहरू विद्यार्थी नभएको बताएका छन् ।

घटनामा संलग्न मुख्य संदिग्ध अहिले अस्पतालमा उपचाररत छन् र उनि प्रहरी हिरासतमा छन्। प्रहरीका अनुसार उनी एफएसयुका वर्तमान विद्यार्थी हुन् र उनलाई गोली हानी नियन्त्रणमा लिइएको थियो। उनको अवस्था गम्भीर नभएको बताइएको छ।

घटना विश्वविद्यालयको बिधार्थी संघ नजिक भएको थियो । परिसर अहिले सुरक्षित गरिएको प्रहरीले जनाएको छ।

टलाहासी मेमोरियल हेल्थकेयरका अनुसार छ जना बिरामी अस्पताल भर्ना भएका छन् । सबैको अवस्था सामान्य रहेको छ।

दोस्रो वर्षकी छात्रा पाउला माल्डोनाडोले भनिन्, “हामीले बाहिर कोही कराएको सुन्यौं, त्यसपछि तुरुन्त सक्रिय खतरा घन्टी बज्यो। हामीले बत्ती निभायौं, ढोका रोक्न डेस्क राख्यौं र अगाडि लुकेर बस्यौं।”

उनले थपिन्, “एक प्रहरी भित्र आए, उनि हमलावर भनेर डरायौं । केहीबेरपछि अर्का प्रहरी आए र माथी हात उठाएर बाहिर जान भने ” । विद्यार्थी डानिएला स्ट्रिटीले भनिन् आवाज सुनेपछि मानिसहरू दौडिएर उनको भवनमा छिरेका थिए।

ह्वाइट हाउसका अनुसार राष्ट्रपति डोनाल्ड ट्रम्पलाई यो घटनाबारे जानकारी दिइएको छ।

फ्लोरिडा राज्य बिश्वबिद्यालयमा भएको गोलीकाण्ड आक्रमणकारी नियन्त्रणमा, चार जना घाइते

तात्तातो : फ्लोरिडा राज्य बिश्वबिद्यालयमा गोलीकाण्ड: विद्यार्थीलाई सुरक्षित स्थानमा बस्न आग्रह ,४ जना घाइते