रूसले अमेरिकी राष्ट्रपति डोनाल्ड ट्रम्पको युक्रेनलाई दिइने सैन्य सहायता ‘रोक्ने’ निर्णयको स्वागत गरेको छ। यदि अमेरिकीले यी आपूर्तिहरू स्थगित गर्छ भने, यो सम्भवतः शान्तिका लागि सबैभन्दा राम्रो योगदान हुनेछ,क्रेमलिनका प्रवक्ता डिमिट्री पेस्कोभले भने ।

युक्रेनका राष्ट्रपति भोलोदिमिर जेलेन्स्कीले अमेरिकी सहयोग बिना युक्रेनको अस्तित्व जोखिममा पर्ने चेतावनी दिएका छन्। उनले भने, “हामी संयुक्त राज्य अमेरिकाको समर्थन बिना बाँच्न सम्भावना कम छ।”

युरोपेली नेताहरूले पनि यस निर्णयप्रति चिन्ता व्यक्त गरेका छन्। युरोपेली आयोगका अध्यक्ष उर्सुला भोन डेर लेयेनले युरोपको रक्षा उद्योगलाई सुदृढ गर्न योजना घोषणा गरेकी छन्, जसले युक्रेनलाई तत्काल सैन्य समर्थन प्रदान गर्न लगभग ८०० विलियन पाउण्ड जुटाउन सक्छ।

यस निर्णयले युक्रेनको नागरिक समाज र स्वतन्त्र संचार माध्यममा पनि प्रभाव पारेको छ । राष्ट्रपति ट्रम्पको यो कदमले अन्तर्राष्ट्रिय समुदायमा मिश्रित प्रतिक्रिया उत्पन्न गरेको छ।