डिसीमा भएको अमेरिकी एयरलाइन्स र सैन्य हेलिकप्टर (उदग्रबिमान )दुर्घटनामा मृत्यु हुने मध्ये कम्तीमा ५५ जनाको पहिचान भएको छ ।

गत बुधबार राति अमेरिकी एयरलाइन्सको बिमान तथा सैन्य ब्लाक हक हेलिकप्टर(उदग्रबिमान )दुर्घटना हुँदा मृत्यु हुनेहरु मध्ये कम्तीमा ५५ जनाको पहिचान खुलेको वाशिंगटन, डी.सी.,अग्नि नियन्त्रण विभागका प्रमुख जोन डोनेलीले आइतबार दिउँसो बताए।

डोनेलीले शनिबार पानीबाट ११ वटा छुट्टाछुट्टै अवशेषहरू निकालिएको बताए तर अझै पहिचान हुन सकेको छैन। “मलाई विश्वास छ कि हामी सबैलाई निकाल्नेछौं,” डोनेलीले भने।

बाल्टिमोर जिल्लाको अमेरिकी सेनाका अधिकारी फ्रान्सिस पेराले दुई दिन भग्नावशेष क्षेत्रको सर्वेक्षण र भग्नावशेषको पुन: प्राप्ति कसरी हुनेछ भनेर अभ्यास गरेपछि सोमबार बिहान दुवै विमानको भग्नावशेषका ठूला टुक्राहरू पानीबाट उठाउन थाल्ने योजना रहेको बताए। पेराका अनुसार यदि टोलीले थप मानव अवशेषहरू फेला पारे भने उद्धार टोलीहरूले खोज कारवाही रोक्ने तयारीमा रहेको छ ।