अमेरिकी राष्ट्रपति जो बाइडेनले युक्रेनलाई रोकी राखेको लामो दूरीको अमेरिकी क्षेप्यास्त्रलाई अनुमति दिए पछि मस्कोले चेतावनी दिएको छ ।

रुसले रुस भित्र अमेरिकी निर्मित लामो दूरीका हतियारहरू प्रयोग गर्न युक्रेनका लागि ह्वाइट हाउसको अधिकारलाई मस्को र वाशिंगटन बीचको “गुणात्मक रूपमा नयाँ तनाव” मान्न विचार गर्नेछ, क्रेमलिनका प्रवक्ताले सोमबार बताएका छन् ।

क्रेमलिनका प्रवक्ता डिमीट्री पेस्कोभले भने, “कीभलाई अमेरिकी लामो दूरीका क्षेप्यास्त्रहरूद्वारा रुसको भित्री भूभागमा प्रहार गर्न अनुमति दिँदा, यदि वास्तवमा त्यस्तो अनुमति दिइएको छ भने, गुणात्मक रूपमा नयाँ तनाव र युक्रेन द्वन्द्वमा वाशिंगटनको संलग्नताको स्तरलाई मार्का लगाउनेछ,” क्रेमलिनका प्रवक्ता पेस्कोभले आफ्नो दैनिक पत्रकार सम्मेलनमा भने ।

राष्ट्रपति जो बाइडेनले रूसी कुर्स्क क्षेत्रमा हतियार सेना रणनीतिक क्षेप्यास्त्र प्रणाली( एटीएसीएमएस) को प्रयोगलाई अधिकार दिएको दुई अमेरिकी अधिकारीहरूले आइतबार एबीसी न्यूजलाई बताएका थिए । उक्त अमेरिकी क्षेप्यास्त्रको दायरा करिब १९० माइल रहेको छ ।

युक्रेनले सोमबार बिहानसम्म रुस भित्र रुसी सेना विरुद्ध हतियार प्रयोग नगरेको एक वरिष्ठ रक्षा अधिकारीले बताए ।

कीभका अधिकारीहरू, राष्ट्रपति भोलोदिमिर जेलेन्स्की लगायत रुस भित्र त्यस्ता हतियारहरू प्रयोग गर्न अनुमतिको लागि महिनौंदेखि आह्वान गर्दै आएका थिए। कीभले यसअघि कब्जामा रहेको युक्रेन भित्र रुसी अड्डाहरूमा आक्रमण गर्न एटिएसिएमएस प्रयोग गरेको थियो।

पेस्कोभले सोमबार बाइडेन प्रशासनले आफ्नो अन्तिम महिनाहरूमा “आगोमा इन्धन थप्न जारी राख्न” चाहेको लान्छना लगाएका छन् ।

मस्कोले यो कदमलाई ह्वाइट हाउसको लागि “यस द्वन्द्वको वरिपरि तनावलाई थप बृद्धि गर्न जारी राख्न” को रूपमा हेरेको उनले बताए ।