अमेरिकामा चिकित्सा अनुसन्धानका लागि राखिएका ४३ वटा बाँदर साउथ क्यारोलाइना प्रयोगशालाको हाताबात भागेका मध्ये २५ वटालाई समातिएको छ ।

सिबिएसन्यूजका अनुसार भेटिएका बाँदरहरू सकुशल बरामद भएका छन् भने अन्य १८ वटा अझै फरार छन् ।

साउथ क्यारोलाइनाको एउटा हाता (कम्पाउण्ड)बाट भागेका ४३ बाँदरमध्ये २५ वटा बरामद गरिएको प्रयोगशालाका प्रमुख कार्यकारी अधिकारीले आइतवार बताए ।

अल्फा जेनेसिसका प्रमुख ग्रेग वेस्टरगार्डले सिबिएसन्यूजलाई बाँदरहरू सुरक्षित ,स्वस्थ राम्रो अवस्थामा रहेको र उनीहरूले “अहिले खाजा खाइरहेको” बताए।

अन्य भागेका बाँदरहरू नजिकै रहेको उनले भने । रेसस म्याकाकहरू जातका बाँदर जसलाई चिकित्सा अनुसन्धानको लागि प्रजनन गरिएको छ । अल्फा जेनेसिस सुविधाका एक कर्मचारीले उनीहरूलाई खुवाउँदा र जाँच गर्दा ढोका पूर्ण रूपमा बन्द नगरेपछि गत बुधबार उनीहरु भागेका थिए ।

अल्फा जेनेसिस, संघीय स्वास्थ्य अधिकारी र प्रहरी सबैले बाँदरले जनस्वास्थ्यमा कुनै खतरा नरहेको बताए। त्यहाँ चिकित्सा र अन्य अनुसन्धानकर्ताहरूलाई बेच्न बाँदरहरूको प्रजनन गरिन्छ ।

अल्फा जेनेसिसले जर्जियाको सवानाहबाट ५० माइल (८० किलोमिटर) उत्तरपूर्वमा रहेको यमासीमा रहेको आफ्नो हातामा विश्वव्यापी अनुसन्धानका लागि बाँदर हरू उपलब्ध गराउँछ ।