गत मंगलबार सेप्टेम्बर १० मा भएको राष्ट्रपतिय बहस पश्च्यात उप राष्ट्रपति कमला ह्यारिस पूर्व राष्ट्रपति डोनाल्ड ट्रम्प भन्दा हल्का अगाडी भएको मत सर्वेक्षणले देखाएको छ । एबिसीन्यूजका अनुसार टेलर स्विफ्टको समर्थनले पनि केही थोरै प्रभाव पारेको छ ।

अमेरिकीहरूले व्यापक रूपमा कमला ह्यारिसलाई गत हप्ताको बहस पछि विजेताको रूपमा हेरेका छन्।

साथै अमेरिकी गायिका तथा गीतकार टेलर स्विफ्टले पनि थोरै प्रभाव पारेको मत सर्वेक्षणले देखाएको छ । एबीसी न्यूज/इप्सोस मतसर्वेक्षण अनुसार केवल ६ % उनको समर्थनले उनीहरूलाई मत गर्ने सम्भावना बढी बनाउने उल्लेख गरेको छ ।

१३ % ले यसले उनीहरूलाई समर्थन गर्ने सम्भावना कम बनाउने बताएका छन् । तर ८१ % मतसर्वेक्षणमा सहभागी हुनेले यसले कुनै फरक नपार्ने जनाएका
छन् । सर्वेक्षणका अनुसार नकारात्मक प्रतिक्रिया दिनेहरू अत्यधिक ट्रम्पका समर्थकहरु भएको एबिसीन्यूजले जनाएको छ

५८-३६% ले अमेरिकीहरूले ह्यारिसले बहस जितेको बताउँछन् । गत जुनमा राष्ट्रपति जो बाइडेन-डोनाल्ड ट्रम्प बीच भएको बहसमा ट्रम्पले ६६-२८% ले जितेका थिए ।

इप्सोसको फिल्डवर्कको साथ ल्यांगर रिसर्च एसोसिएट्सद्वारा एबीसीका लागि उत्पादन गरिएको ३,२७६ वयस्कहरूको सर्वेक्षणले ह्यारिसले आफ्नो व्यक्तिगत अपीललाई बलियो बनाएको फेला पारेको छ ।

३७ प्रतिशतले बहसले उनीहरूलाई उनीप्रति बढी अनुकूल महसुस गराएको छ । त्यस्तै ट्रम्पको लागि त्यस्तो कुनै फाइदा नभएको लगभग दुईमा एकले बहसले ट्रम्पलाई कम अनुकूल देखाएको जनाए ।

६९ प्रतिशत डेमोक्र्याट झुकाव भएका स्वतन्त्रहरूले बहसले ह्यारिसलाई थप अनुकूलताका साथ हेरेको बताएका छन्। केवल आधा रिपब्लिकन र जिओपि झुकाव भएका स्वतन्त्रहरूले ३४ % ले बहसले उनीहरूलाई ट्रम्पलाई अझ अनुकूल रूपमा देखेको बताएका छन् ।

सर्वेक्षणले ट्रम्पलाई कडा समर्थन गर्नेहरूको अंशमा पनि थोरै कमी आएको छ । गत अगस्तको अन्तमा ट्रम्पलाई ६० % समर्थन रहेको थियो भने पछिल्लो मतसर्वेक्षणमा केवल ५६ % रहेको छ । ६२ प्रतिशत ह्यारिसका समर्थकहरूले अझै उनि प्रति समर्थन कायमै राखेका छन् ।

मतसर्वेक्षणमा ट्रम्पलाई ४२ % ले उनलाई धेरै रूढिवादी भन्छन् भने ४७ % ले ह्यारिसलाई धेरै उदारवादी भन्छन्। एबिसीन्यूजले जनाए अनुसार समग्रमा मत प्राथमिकतामा कुनै खास फरक नभएको जनाएको छ । दर्तावाल मतदाताहरुको छनौटमा ह्यारिसलाई ५१ % र ट्रम्पलाई ४७ % समर्थन रहेको मतसर्वेक्षणले उल्लेख गरेको छ ।

त्यस्तै सम्भावित मतदाताहरू बीच ह्यारिस ५२ % र ट्रम्प ४६ % मा रहेका छन् ।