अमेरिकी राष्ट्र[तिय बहसको क्रममा आप्रवासको सन्दर्भमा पूर्व राष्ट्रपति डोनाल्ड ट्रम्पले ओहायोको स्प्रिंगफिल्डमा बसोबास गर्ने हेटीका आप्रवासीहरूले घरेलु बिराला र कुकुरहरू खाइरहेको दाबी गरे । ट्रम्पले बहसको क्रममा षड्यन्त्र सिद्धान्त दोहोर्याउन पछि परेनन् ।

ट्रम्पले ओहायोको स्प्रिंगफिल्डमा बसोबास गर्ने हेटीका आप्रवासीहरूले मानिसहरूका बिराला र कुकुरहरू खाइरहेका छन् भन्ने निराधार षडयन्त्र सिद्धान्त ल्याए।

उनले बहस कै क्रममा “स्प्रिंगफिल्डमा तिनीहरूले कुकुरहरू खाइरहेका छन्। तिनीहरूले बिरालाहरू खाइरहेका छन्। तिनीहरू त्यहाँ बस्ने मानिसहरूका घरपालुवा जनावरहरू खाइरहेका छन्।” भने ।

उनले त्यसो भने पछि एबीसीन्यूजका कार्यक्रम संचालक डेभिड मुइरले शहरका अधिकारीहरूले स्प्रिंगफिल्डमा आप्रवासीहरूले घरपालुवा जनावरहरू खाइरहेका छन् भन्ने कुनै प्रमाणलाई अस्वीकार गरेको कुरा औंल्याए ।