इजरायल रक्षा बल (आईडीएफ) ले गाजामा कम्तिमा ४५० वटा लक्ष्यहरूमा क्षेप्यास्त्र प्रहार गरेको जनाएको छ ।

आइतवारको एक विज्ञप्ति अनुसार इजरायल डिफेन्स फोर्स अर्थात् इजरायल रक्षा बल (आईडीएफ) ले निर्देश केन्द्र (कमाण्ड सेन्टर), अवलोकन चौकी (पोष्ट )र क्षेप्यास्त्र प्रक्षेपण स्थलहरू सहित ४५० भन्दा बढी लक्ष्यहरूमा आक्रमण गरेको सिएनएनले समाचार लेखेको छ ।

इजरायलले गाजामा व्यापक रुपमा आफ्नो कारवाही बढाएको छ । “जमीन गतिविधिहरूको विस्तारको एक भागको रूपमा संयुक्त लडाकू बलहरूले आतंकवादी कक्षहरूलाई आक्रमण गर्न खोजेका सेनाहरू र बख्तरबन्द (ट्याङ्क )विरोधी क्षेप्यास्त्र प्रक्षेपण गर्ने योजना बनाएका आतंकवादी आश्रयस्थलहरूलाई प्रहार गरे,” विज्ञप्तिमा भनिएको छ।

उत्तरी गाजा भूभागमा भएको एक आक्रमणमा एक अधिकारी गम्भीर घाइते भएको र चिकित्सा उपचारको लागि बाहिर निकालिएको बताएको छ।

गाजावासीहरूले शुक्रबार रातिको तीव्र बमबारीलाई इजरायलले अक्टोबर ७ को हमासको हमलाको बदला लिन थालेपछिको सबैभन्दा तीव्र हवाई आक्रमणको रूपमा ब्याख्या गरे।

इजरायलका प्रधानमन्त्री बेन्जामिन नेतन्याहुले शनिबार युद्ध दोस्रो चरण सुरु भएको घोषणा गरेका थिए । उनले सेनाले हमासलाई “नष्ट” गर्ने लक्ष्य राखेको र “लामो” युद्ध हुने बताएका थिए ।