सर्बिया-हंगेरीको सीमा नजिक आप्रवासीहरूबीच गोली हानाहान हुँदा ३ जनाको मृत्यु भएको छ भने १ जना घाइते भएका छन् ।

सर्बियाको हंगेरीसँगको सिमानामा शुक्रबार बिहान आप्रवासीहरूबीच गोली हानाहान हुँदा तीन जनाको मृत्यु भएको छ भने एक जना गम्भीर घाइते भएका छन्, सर्बियाको सरकारी आरटीएस दूरदर्शन (टेलिभिजन)ले शुक्रबार समाचार प्रसारण गरेको छ।

समाचारका अनुसार गोली हानाहान होर्गोस गाउँ नजिकै परित्याग गरिएको खेती गोदामहरूमा भएको थियो । घटनास्थलमा ठूलो संख्यामा प्रहरी अधिकारीहरू पठाइएको थियो भंवे प्रहरीले अहिलेसम्म आधिकारिक धारणा सार्वजनिक गरेको छैन भनि एबिसीन्यूजले समाचारमा उल्लेख गरेको छ ।

मानव तस्करहरूको सहयोगमा पार गर्ने बाटोहरू खोज्दै हजारौं आप्रवासीहरू यस क्षेत्रमा शिविर बनाई बसेका छन् ।

सर्बिया-हंगेरी सीमा क्षेत्र पश्चिमी यूरोप तर्फ आप्रवासनको तथाकथित बाल्कन भूमि मार्गमा अवस्थित छ, जुन टर्कीबाट ग्रीस र बुल्गेरिया, र त्यसपछि उत्तरी म्यासेडोनिया, सर्बिया, वा बोस्नियामा जान्छ।

हंगेरीको कट्टर आप्रवासी विरोधी सरकारले सर्बियासँगको सीमामा आवतजावत रोक्न तारबार लगाएको छ। तर, सीमा क्षेत्रमा तस्करी गर्ने गिरोहको संख्या बढेको छ र नियन्त्रणका लागि पटक पटक झडप हुने गरेको छ ।

सर्बियाली प्रहरीले विगत केही महिनादेखि सीमा क्षेत्रमा धेरै पटक छापा मारेको छ। सर्बियाली प्रहरीहरुले सयौं आप्रवासीहरूलाई घेरेको, तस्करहरूलाई गिरफ्तार गर्ने र जंगल क्षेत्रमा विभिन्न हतियारहरू फेला पारेको विवरण दिएको छ