रुसले ४ दिनमा झण्डै ७० वटा क्षेप्यास्त्र (मिसाइल) र ९० शाहेद ड्रोन अर्थात् इरानमा निर्मित मानवरहित युद्ध्यान प्रयोग गरेको युक्रेनी राष्ट्रपति भोलोदिमिर जेलेन्स्कीले बताए ।

रुसले युक्रेनी शहर ओडेसा, माइकोलाइभ र अन्य दक्षिणी समुदायहरूमा आक्रमण गर्दा चार दिनमा विभिन्न प्रकारका झण्डै ७० वटा क्षेप्यास्त्र र झन्डै ९० इरानमा निर्मित मानव रहित युद्धयानबाट आक्रमण गरेको जनाए ।

“निस्सन्देह, हाम्रा सिपाहीहरूले दुश्मनका केही क्षेप्यास्त्रहरू र मानवरहित यानहरू खसाल्न सफल भए, र म यसका लागि हाम्रा प्रत्येक आकाश रक्षकहरूलाई धन्यवाद दिन्छु,” उनले बिहीबार आफ्नो रातीको सम्बोधनमा भने। “दुर्भाग्यवश, युक्रेनी वायु रक्षा क्षमताहरू पूरै युक्रेनी आकाशको रक्षा गर्न अझै पर्याप्त छैनन्।”

युक्रेनले ओडेसा र देशभरका अन्य शहरहरूलाई सुरक्षा प्रदान गर्न सक्ने अतिरिक्त वायु रक्षा प्रणालीका लागि साझेदारहरूसँग “सकेसम्म व्यापक रूपमा” काम गरिरहेको छ, जेलेन्स्कीले भने।