अमेरिकाको सुन्दर टापु हवाईमा तीन जना वृद्ध मानिसहरूको हत्या गरेर फरार भएका एक खतरनाक अपराधीलाई प्रहरीले पक्राउ गरेको छ। 

यो घटनाले केही दिनदेखि त्यहाँका स्थानीय बासिन्दाहरू निकै डराएका थिए।

प्रहरीका अनुसार पक्राउ पर्ने व्यक्ति ३६ वर्षका ज्याकब बेकर हुन्। उनलाई हत्या र चोरीको आरोप लागिएको छ।

 एपिका अनुसार ज्याकबले हवाईको एउटा दुर्गम र विकट क्षेत्रमा दुई दिनभित्र ६९ र ७९ वर्षका तीन जना वृद्धहरूको हत्या गरेका थिए।

यो क्षेत्र निकै ठूलो छ, जहाँ बाक्लो जङ्गल र ज्वालामुखीको चिसो लाभाले बनेका खाली ठाउँहरू छन्। यस्तो कठिन भूगोलमा अपराधी लुकेकाले उनलाई खोज्न राज्य र केन्द्र सरकारका धेरै प्रहरीहरू खटिएका थिए।

बिहीबार दिउँसो प्रहरीलाई ज्याकब एउटा झाडीमा लुकेर गाडीहरू हेरिरहेको सूचना मिल्यो। प्रहरी टोलीले उनलाई लखेट्दै जाँदा उनी एउटा सानो गुफाभित्र लुकेको अवस्थामा फेला परे र प्रहरीले उनलाई हतकडी लगायो।

त्यस क्षेत्रमा बस्ने डेबोरा डेभिस नामकी महिलाले प्रहरीले अपराधीलाई जङ्गलबाट समातेर बाहिर ल्याएको आफ्नै आँखाले देखिन्। 

अपराधी पक्राउ परेपछि खुसी हुँदै प्रहरीहरूले एकापसमा ताली बजाए र हवाईको परम्परागत खुसीयाली शैली ‘ची हू’ भन्दै नारा लगाए। संदिग्ध अपराधी समातिएपछि स्थानीय बासिन्दाहरूले ढुक्क भई राहतको सास फेरेका छन्।