२०२५ कर सिजन नजिकिँदै जाँदा, One Big Beautiful Bill Act (OBBB) ले ल्याएका केही महत्वपूर्ण परिवर्तनहरू करदाताहरूले अनुभव गर्नेछन्। W-2, 1099, 1098, र स्वास्थ्य बीमा सम्बन्धी फारामहरू जस्तै नियमित कर कागजातहरूमा खासै परिवर्तन नभए पनि, OBBB ले नयाँ कटौतीहरू र रिपोर्टिङ आवश्यकताहरू थपेपछि यस वर्ष कागजातहरू राम्ररी व्यवस्थित गर्नु पहिलेभन्दा अझ महत्वपूर्ण बनेको छ।

के–के यथास्थितिमा रहन्छ?

तपाईंले पहिलेजस्तै निम्न नियमित कर फारामहरू प्राप्त गर्नुहुनेछ:

W-2 (तलब/ज्याला)

1099-NEC / 1099-MISC (स्वरोजगार वा अन्य आम्दानी)

1099-K (थर्ड–पार्टी भुक्तानी प्लेटफर्महरू)

1099-INT / 1099-DIV / 1099-B (निवेश आम्दानी)

1099-G (बेरोजगारी, राज्य कर फिर्ता)

1099-R (रिटायरमेन्ट आम्दानी)

1098 / 1098-T / 1098-E (मॉर्गेज, ट्यूसन, विद्यार्थी ऋण ब्याज)

1095-A/B/C (स्वास्थ्य बीमा)

यी सबै कागजातहरू कर दर्ता (tax filing) का लागि अत्यन्त महत्वपूर्ण छन्।

OBBB अनुसार २०२५ का लागि के–के नयाँ छ?

OBBB ले कइटा नयाँ कर कटौती र रिपोर्टिङ आवश्यकताहरू लागू गरेको छ। IRS को प्रमुख फारामहरू (जस्तै W-2) भने २०२५ मा परिवर्तन नहुने भए पनि, धेरै नियोक्ता तथा भुक्तानीदाताले यी नयाँ कटौतीहरू प्रमाणित गर्न थप विवरण/स्टेटमेन्ट प्रदान गर्न सक्छन्।

तपाईंले यो वर्ष निम्न अतिरिक्त कागजातहरू प्राप्त गर्न सक्नुहुन्छ वा तयार राख्न आवश्यक पर्न सक्छ:

१. ओभरटाइम तलब सम्बन्धी नियोक्ताको स्टेटमेन्ट

OBBB ले योग्य ओभरटाइम तलबमा नयाँ कर सुविधा दिएको छ।
यसका लागि तपाईंको नियोक्ताले कति ओभरटाइम तलब मिळ्यो भन्ने विवरण सहितको स्टेटमेन्ट दिन सक्छ।

२. टिप्स (Service Tips) सम्बन्धी स्टेटमेन्ट

टिप्स प्राप्त गर्ने कामदारहरूले योग्य टिप्स को विवरणसहित स्टेटमेन्ट पाउन सक्छन्, जसले OBBB ले प्रदान गरेको नयाँ टिप कटौती दाबी गर्न सहयोग गर्छ।

३. सवारी ऋण (Car Loan) ब्याज सम्बन्धी कागजात

OBBB ले पहिलोपटक योग्य वाहन ऋणको ब्याज कटौती अनुमति दिएको छ।
यसका लागि ऋणदाताले उपलब्ध गराउन सक्ने विवरण:

तिर्नु परेको कुल ब्याज रकम

VIN (Vehicle Identification Number)

अन्य ऋण विवरण जसले कटौती दाबी प्रमाणित गर्छ

४. IRS को नयाँ Schedule 1-A

OBBB ले ल्याएका विभिन्न नयाँ कटौती—जस्तै ओभरटाइम कटौती, टिप कटौती, कार लोन ब्याज, वरिष्ठ (Senior Bonus) कटौती आदि—दाबी गर्न नयाँ Schedule 1-A फाराम अनिवार्य हुनेछ।
यसका लागि सबै प्रमाणित कागजातहरू सुरक्षित राख्नु अत्यावश्यक छ।

कसरी तयारी गर्ने?

OBBB को फाइदा लिन तथा कर दर्ता सहज बनाउन:

नियोक्ता, बैंक, ऋणदाता, तथा निवेश कम्पनीहरूबाट आउने सबै पत्रहरू ध्यानपूर्वक खोल्नुहोस्।

ओभरटाइम र टिप्स उल्लेख भएका पे–स्टब वा स्टेटमेन्टहरू सुरक्षित राख्नुहोस्।

कार लोन तथा सवारी कागजात एकै फोल्डरमा राख्नुहोस्।

सबै कागजात सुरक्षित पोर्टल वा समर्पित कर फोल्डरमा व्यवस्थित गर्नुहोस्।

अन्तिम सुझाव

OBBB ले धेरै कर लाभहरू दिएको भए पनि, यसले कर कागजातहरू अझ व्यवस्थित राख्न आवश्यक बनाएको छ। सबै OBBB सम्बन्धित स्टेटमेन्टहरू सुरक्षित राखेर अग्रिम तयारी गरेमा तपाईंले २०२५ कर वर्षमा उपलब्ध सबै कटौती तथा फाइदाहरू पुरा रूपमा लिन सक्नुहुनेछ।

प्रबीण खड्का, कर सल्लाहकार, PK Tax & Accounting Services