एक संघीय न्यायाधीशले राष्ट्रपति डोनाल्ड ट्रम्पको प्रशासनद्वारा जारी गरिएको विल्मरहेल कानून फर्म(व्यवसाय)लाई लक्षित कार्यकारी आदेशलाई स्थायी रूपमा असंवैधानिक घोषणा गर्दै रोक लगाएका छन्।

पूर्व राष्ट्रपति जर्ज डब्ल्यू. बुसद्वारा नियुक्त न्यायाधीश रिचर्ड लियोनले मंगलबार दिएको फैसलामा भने, “स्वतन्त्र न्यायपालिका र वकिल समुदायअमेरिकी न्याय प्रणालीको मेरुदण्ड हो। संस्थापक पिताहरूले यो कुरा पहिले नै बुझेका थिए।”

उनले थप लेखे, “यस आदेशलाई असंवैधानिक भन्दै पूर्ण रूपमा खारेज गर्नैपर्छ, अन्यथा हामी संस्थापकहरूको आदर्शप्रति बेइमानी गर्छौं।”

यो ट्रम्प प्रशासनद्वारा कानुनी फर्महरूलाई लक्षित गर्दै जारी गरिएको कार्यकारी आदेशहरू मध्ये तेस्रो हो, जुन अदालतले खारेज गरिसकेको हो। विल्मरहेल फर्मले पूर्व विशेष अनुसन्धानकर्ता रोबर्ट मुलरलाई रोजगार दिएको थियो, जसले ट्रम्पको २०१६ को अभियान र रुसबीचको सम्बन्धबारे अनुसन्धान गरेका थिए।

न्यायाधीश लियोनले भने, “यो आदेशले विल्मरहेलको अप्रिय भनिएको अभिव्यक्तिलाई दबाउने प्रयास गरेको छ, जुन संविधानविरोधी हो।”

एबिसीन्यूजका अनुसार अहिलेसम्म ट्रम्प प्रशासनले यो फैसलाविरुद्ध अपिल गर्ने निर्णय खुलाएको छैन।

यो फैसलाले अमेरिकाको संवैधानिक स्वतन्त्रता र कानुनी स्वतन्त्रताको जीत सुनिश्चित गरेको छ, जुन ट्रम्प प्रशासनका आलोचकहरूमाथिको दमन प्रयासको प्रतिरोध स्वरूप आएको हो।