फ्रान्सेली अधिकारीहरूले युक्रेनमा रूसले सुरु गरेको आक्रमणको तेस्रो वार्षिकोत्सवमा मार्सेलीमा रहेको रूसी वाणिज्य दूतावास बाहिर आगजनी गर्ने उपकरण विस्फोट भएको बताएका छन् ।

सोमबार बिहान विस्फोट भएको तर कुनै पनि चोटपटक नलागेको अधिकारीहरूले जानकारी गराएका छन् ।

वाणिज्य दूतावासको बाहिरी भित्तामा पनि फ्याँकिएको दोस्रो उपकरण विस्फोट भएन तर गोरेटो (फुटपाथ)मा खस्यो। बम निष्क्रिय विशेषज्ञ टोलीलाई घटनास्थलमा बोलाइएको थियो।

राष्ट्रिय प्रहरी नीतिद्वारा सार्वजनिक रूपमा नाम उल्लेख नगरिएको कारणले गर्दा नाम नखुलाउने सर्तमा एक अधिकारीले संदिग्ध भागेको र अनुसन्धान सुरु गरिएको बताएका छन्। तर अधिकारीहरूले संदिग्ध व्यक्ति वा उद्देश्यको बारेमा विवरण नदिएको एबिसीन्यूजले जनाएको छ ।

फ्रान्सको दोस्रो ठूलो शहर र एक प्रमुख भूमध्यसागरीय बन्दरगाह मार्सेली विविध जनसंख्या भएकाहरुका घर हो तर त्यहाँ उल्लेखनीय रूपमा ठूलो रूसी समुदाय छैन।

रुसी विदेश मन्त्रालयका प्रवक्ता मारिया जाखारोभाले मार्सेलीमा भएको घटनामा “आतंकवादी हमलाका सबै लक्षणहरू” रहेको बताइन्।