इजरायल र लेबनानी लडाकु समूह हेजबुल्लाह बीच युद्धविराम सम्झौता भए पछि व्हाइट हाउसमा राष्ट्रपति जो बाइडेनले उत्सव मनाए ।

बाइडेनले यो सम्झौता लेबनानमा बुधबारदेखि लागू हुने बताए।

राष्ट्रप बाइडेनले मङ्गलबार इजरायल र लेबनानी लडाकु समूह हेजबुल्लाहबीच एक वर्षभन्दा बढीको लडाइँ पछि “विनाशकारी द्वन्द्व” अन्त्य गर्न संयुक्त राज्य अमेरिकाले मध्यस्थता गरेको युद्धविराम सम्झौताको स्वीकृतिको उत्सव मनाए।

ह्वाइट हाउसबाट सम्बोधन गर्दै बाइडेनले इजरायली प्रधानमन्त्री बेन्जामिन नेतान्याहु र लेबनानका कार्यवाहक प्रधानमन्त्री नजिब मिकातीसँग भर्खरै कुरा गरेको बताए।

“आज भएको सम्झौता अन्तर्गत, भोलि स्थानीय समय अनुसार बिहान ४ बजेदेखि लागू हुने गरी, लेबनानी-इजरायली सीमानाको लडाइँ अन्त्य हुनेछ,बाइडेनले भने।

बाइडेनले आगामी ६० दिनभित्र इजरायलले क्रमशः आफ्ना सेना फिर्ता लिने र लेबनानको सेनाले आफ्नो भूभाग नियन्त्रणमा लिन तैनाथ गर्ने बताए। हेजबुल्लाहलाई पूर्वाधार पुनर्निर्माण गर्न वा इजरायलको सुरक्षालाई खतरामा पार्ने अनुमति दिइने छैन।

उनले भने, “दुवै पक्षका नागरिकहरू चाँडै सुरक्षित रूपमा आफ्नो समुदायमा फर्कन सक्षम हुनेछन्, र तिनीहरूको घर वा विद्यालय, तिनीहरूको खेतबारी, तिनीहरूको व्यवसाय र तिनीहरूको जीवन पुनर्निर्माण गर्न थाल्नेछन्।”

लेबनानका मिकातीले इजरायलको आक्रमणका कारण १० लाखभन्दा बढी मानिस आफ्नो घरबाट विस्थापित भएको बताएका छन्। गत वर्ष इजरायलको उत्तरी सिमाना नजिकबाट करिब ६०,००० इजरायलीहरू विस्थापित भएका छन्।

इजरायलका नेतान्याहुले मंगलबार आधिकारिक रूपमा देशको सुरक्षा मन्त्रिपरिषद्लाई युद्धविराम सम्झौतामा सहमत हुन सिफारिस गरे। मन्त्रिपरिषद्ले १० मन्त्रीको बहुमतले प्रस्ताव स्वीकृत गरेको हो ।

बाइडेनले आगामी दिनहरूमा टर्की, इजिप्ट, कतार र इजरायलसँग गाजामा युद्धविराम सम्झौताका लागि अमेरिकाले अर्को प्रयास गर्ने बताए।