नेपाली अभिनेता सौरम राज तुलाधर, जसलाई सौरम आर. टी. भनेर पनि चिनिन्छ,। उनि हलिउडको ठूला पर्दामा आफ्नो यात्रा सुरू गर्ने भएका छन् । उनले हालै एक हलिउड चलचित्रमा हस्ताक्षर गरेका छन्, जुन उनको जीवनयात्रा (करियर)को लागि ऐतिहासिक उपलब्धि हो।

यस चलचित्रमा, सौरमले प्रख्यात अभिनेत्री केरी बिसे, जसले म्याडम वेब चलचित्रमा अभिनय गरेकी छिन्, र थोमस साडोस्की, जो जोन विक फ्रेन्चाइजबाट चिनिन्छन्,सँग अभिनय गर्नेछन्। यस्ता अनुभवी कलाकारहरूसँग सहकार्य गर्नु नेपाली कलाकार सौरमको बढ्दो प्रतिष्ठाको प्रमाण हो।

यस दाबीलाई पुष्टि गर्न हामीले आईएमडिबि (IMDb जाँच) गरेका छौं, जहाँ सौरम आर. टी.को नाम र परियोजनासँग सम्बन्धित जानकारी सूचीबद्ध गरिएको छ। यसले उनको हलिउड यात्राको वैधानिकता झन् स्पष्ट गर्दछ।

सौरमले अमेरिका आए पछि धेरै छोटा चलचित्रहरूमा अभिनय गरेका छन्। उनले धेरै पुरस्कारहरू प्राप्त गरेका छन् । उनले यी परियोजनाहरूमा उत्कृष्ट प्रदर्शन गर्दै आफ्नो प्रतिभा र बहुमुखी क्षमता देखाएका छन्। अन्य कुशल कलाकारहरूसँग प्राप्त गरेका यी सम्मानहरूले हलिउडमा उनको यो नयाँ कदमलाई थप मजबुत बनाएको छ।

नेपालमा जिन्दगी रक्स र सदाङ्गा जस्ता चर्चित चलचित्र र हाम्रो टीम जस्तो टिभी शो (दूरदर्शन प्रस्तुति )मा आफ्नो प्रभावशाली अभिनय प्रस्तुत गरिसकेपछि, सौरमले हलिउडमा आफ्नो क्षमता प्रमाणित गर्न यो साहसी कदम चालेका छन्। न्यूयोर्क फिल्म एकेडेमी(चलचित्र प्रतिष्ठान)बाट प्रशिक्षण लिएका सौरमले अन्तर्राष्ट्रिय चलचित्र उद्योगमा प्रतिस्पर्धा गर्न आवश्यक सीप हासिल गरेका छन्।

यो अवसरप्रति सौरमले आफ्नो उत्साह व्यक्त गर्दै भने, “यो मेरो लागि सपना जस्तै हो। यति प्रतिभावान कलाकारहरूसँग काम गर्न र हलिउडको प्रोडक्सन(उत्पादन)मा सहभागी हुन पाउनु ठूलो गर्वको कुरा हो। नेपाली कलाकारको रूपमा अन्तर्राष्ट्रिय मञ्चमा आफ्नो दृष्टिकोण प्रस्तुत गर्न पाउँदा म धेरै उत्साहित छु।”

भावनात्मक रूपमा जोडिएका पात्रहरू प्रस्तुत गर्ने आफ्नो क्षमतालाई लिएर चिनिएका सौरमको यो नयाँ कदमले अन्तर-सांस्कृतिक कथाहरूलाई उजागर गर्ने उनको प्रतिबद्धता झल्काउँछ। केरी बिसे र थोमस साडोस्की जस्ता ठूला कलाकारहरूसँगको सहकार्यले उनको प्रतिभा मात्र नभई मुलधारको चलचित्रमा दक्षिण एसियाली प्रतिनिधित्वलाई पनि प्रोत्साहन दिन्छ।

सौरम आर. टी.को हलिउड प्रथम प्रदर्शन( डेब्यु )ले नेपाली प्रशंसकहरू र भविष्यका कलाकारहरूको लागि प्रेरणा बन्नेछ। यो उपलब्धिले नेपाली कलाको समृद्धिलाई अन्तर्राष्ट्रिय मञ्चमा प्रस्तुत गर्ने उनको प्रयासलाई थप उजागर गर्नेछ।

उनलाई ईनेप्लिजको तर्फबाट बधाई तथा शुभकामना !