अमेरिकामा आगामी नोभेम्बर ५ मंगलबारका दिनहुने चुनावको मुखमा संदिग्ध पोको (प्याकेज)हरू कम्तिमा ६ राज्यहरूमा निर्वाचन अधिकारीहरूलाई पठाइएको छ ।

एबिसीन्यूजका अनुसार उक्त संदिग्ध प्याकेज(पोका) हरू निर्वाचन अधिकारीहरूलाई पठाइएको तर कुनै पनि पनि पोकोहरुहरूमा खतरनाक सामग्री समावेश
नभएको समाचारमा उल्लेख गरिएको छ ।

गत सोमबार कम्तिमा छ वटा राज्यका निर्वाचन अधिकारीहरूलाई संदिग्ध पोकाहरु पठाइएको थियो। धुलो (पाउडर )युक्त पोकोहरू आयोवा, क्यान्सस , नेब्रास्का, टेनेसी, वायोमिङ र ओक्लाहोमाका राज्य र राज्य निर्वाचन कार्यालयका सचिवहरूलाई पठाइएको थियो ।

ती राज्यका अधिकारीहरूले उक्त पोको प्राप्त गरेको पुष्टि गरे। एफबीआई र अमेरिकी हुलाक सेवाले अनुसन्धान गरिरहेको छ ।

वायोमिङका अधिकारीहरूले त्यहाँ पठाइएको सामग्री खतरनाक थियो कि थिएन अहिलेसम्म भनेका छैनन्। पोकोहरु प्राप्त भए पछि आयोवा कार्यालय खाली गरिएको थियो । धेरै राज्यहरूमा हजमत चालक दलहरूले तुरुन्तै सामग्री हानिरहित भएको निर्धारण गरेको एबिसीन्यूजले बताएको छ ।