इजरायली सेनाद्वारा गाजाबाट एक अरबी नागरिक बन्धकलाई उद्धार गरेको छ ।

इजरायली सेनाले मंगलबार इजरायलका एक अरबी नागरिकलाई उद्धार गरेको घोषणा गरेको छ । जो हमासको नेतृत्वमा अक्टोबर ७ मा भएको आतंकवादी हमलामा अपहरण गरिएका सयौं व्यक्तिहरूमध्ये थिए।

इजरायली अधिकारीहरूका अनुसार दक्षिणी इजरायलको राहातको बेदुइन शहरका ५२ वर्षीय कैद फरहान अल्कादीलाई “दक्षिणी गाजा भूभागमा एउटा जटिल कारवाहीमा” उद्धार गरिएको थियो। इजरायली रक्षा बलद्वारा गाजाबाट जीवित उद्धार गर्ने उनी आठौं इजरायली बन्धक र युद्धग्रस्त क्षेत्रमा सुरुङबाट जीवित उद्धार गर्ने पहिलो बन्धक हुन् ।

एबीसी न्यूजका अनुसार अल्कादी हाल दक्षिणी इजरायली शहर बेरशेबाको सोरोका अस्पतालमा भर्ना भएका छन् ।

विज्ञप्ति अनुसार अल्कादीको स्वास्थ्य अवस्था स्थिर रहेको जनाएको छ । अस्पतालका प्रवक्ताका अनुसार उनी “पूर्ण रूपमा सचेत र सामान्य अवस्थामा छन्।”

अल्कादीले परिवारका सदस्यसँग उत्साहका साथ भेटेका छन् ।

प्रधानमन्त्री बेन्जामिन नेतान्याहुको कार्यालयले नेताले अल्कादीसँग दूरवार्तामा कुराकानी गरेको बताएको छ । “प्रधानमन्त्रीले फरहानलाई बधाई दिए र उनको रिहाइबाट सम्पूर्ण इजरायली जनता उत्साहित भएको बताए,” विज्ञप्तिमा भनिएको छ ।