इजरायलका प्रधानमन्त्री बेन्जामिन नेतान्याहुले गाजामा मारिएका बन्धकहरूका परिवारसँग बिहीबार भेट गरेका छन्।

नेतान्याहुले उद्धार गरिएका बन्धकहरूलाई भेट गरे । तर अहिलेसम्म मृतकका परिवारसँग भेट नगरेकोमा आलोचना भइरहेको एबिसीन्यूजले जनाएको छ ।

“हामी सबै १२० जना अपहरणमा परेकाहरू जीवित र पीडितहरू समान रूपमा फिर्ता गर्न प्रतिबद्ध छौं,” नेतान्याहुले परिवारहरूलाई भने। “हामी कसैलाई छोड्ने छैनौं।”

बन्धक केन्द्रले शनिबार अर्को ठूलो र्‍याली(जुलुस) गर्दै सरकारलाई युद्धविराम सम्झौतामा पुग्न र बाँकी बन्धकहरूलाई घर ल्याउन आह्वान गरेको छ।