अमेरिकाको न्यूह्यामशर राज्यमा आफ्नी ५ वर्षीया छोरीको हत्या गरेको अभियोगमा बुबालाई ४५ वर्षको कारागार सजाय सुनाईएको छ ।

सिएनएनका अनुसार पिताले आफ्नी ५ वर्षीया छोरी हार्मनी मोन्टगोमेरीको हत्या गरेको अभियोगमा बुबालाई ४५ वर्षको जेल सजाय सुनाईएको हो ।

पिता एडम मोन्टगोमेरीलाई गत फेब्रुअरीमा दोश्रो श्रेणी हत्याको दोषी पाएको पाईएको थियो । सन् २०१९ मा उनकी छोरी हार्मनीको मृत्यु भएता पनि सन् २०२१ मा बेपत्ता भएको खबर गरिएको थियो।

अदालत कागजात अनुसार उनी दोश्रो श्रेणीको आक्रमण, साक्षी लुकाउने ,भौतिक प्रमाणहरू नक्कली बनाउने र शवको दुरुपयोगको लागि दोषी पाईएका थिए।

उनलाई हत्याको अभियोगमा ४५ वर्ष आजीवन काराबास, जबरजस्ती करणी गरेको अभियोगमा ४ देखि ८ वर्ष, साक्षी बाधा अड्चन गरेकोमा ३.५ देखि ७ वर्ष र झुटो प्रमाण प्रस्तुत गरेको अभियोगमा ३.५ देखि ७ वर्ष कारागार सजाय सुनाइएको छ । उनले लाश दुर्व्यवहार गरेको आरोपमा १२ महिनाको सजाय पनि पाएका छन् । एकपछि अर्को गरी कम्तिमा ५६ वर्षको कारागार सजाय न्यायाधीशले फैसला सुनाए ।

हार्मनीको अवशेष अझै फेला परेको छैन, यद्यपि एक न्यायाधीशले उनको आमा क्रिस्टल सोरेको अनुरोधमा गत मार्चमा उनलाई कानूनी रूपमा मृत घोषित गरेका थिए ।