हमाससँगको इजरायलको युद्धको छ महिना बितिसक्दा पनि अक्टोबर ७ मा भएको आतंकवादी हमलाबाट इजरायलको “घाउ” निको हुन सकेको छैन,” बेलायतका प्रधानमन्त्री ऋषि सुनकले भने।

गाजा भूभागमा बच्चाहरू सहित प्यालेस्टिनीहरूलाई “तुरुन्तै” मानवीय विरामको साथै दिगो दीर्घकालीन युद्धविराम चाहिन्छ, सुनकले गत शनिबार जारी गरेको एक विज्ञप्तिमा भने।

“गाजामा छ महिनाको युद्ध पछि भोक, निराशा, भयानक मात्रामा ज्यान गुमाउने नागरिकहरूको संख्या बढ्दै गएको छ ,” उनले भने।

बेलायत इजरायलको आफ्नो रक्षा गर्ने र हमासलाई पराजित गर्ने अधिकारको पक्षमा उभिएको छ। तर उनले “भयानक” द्वन्द्व अन्त्य गर्न पनि आह्वान गरे। बन्धकहरूलाई रिहा गरिनु पर्छ र गाजामा अधिक सहायता पुर्याउनुपर्छ, उनले भने।

“तर सम्पूर्ण बेलायत रक्तपातबाट स्तब्ध छ, र खाँचोमा परेकाहरूलाई खाना ल्याउने साहसी बेलायती नायकहरूको हत्याबाट स्तब्ध भएको छ,” सुनकले इजरायली सैन्य हमलामा मारिएका वर्ल्ड सेन्ट्रल किचन सहायता कार्यकर्ताहरूलाई उल्लेख गर्दै भने।