संयुक्त राष्ट्रसंघमा अमेरिकाले गाजा युद्ध विराम बारे राखेको प्रस्तावलाई रुस र चीनले निषेधाधिकार ( भिटो) प्रयोग गर्दै बिफल बनाई दिएका छन ।
अमेरिकाले रुस र चीनको निषेधाधिकारको निन्दा गरेको छ।
अमेरिकी राजदूत लिन्डा थोमस-ग्रीनफिल्डले गाजामा बन्धकहरूको रिहाइसँग सम्बन्धित युद्धविरामको लागि आह्वान गर्ने अमेरिकी प्रस्तावित मस्यौदा प्रस्तावमा रूस र चीनबाट गरिएको निषेधाधिकार( भिटो) को आलोचना गरेकी छिन ।
ग्रीनफिल्डले शुक्रबार संयुक्त राष्ट्र सुरक्षा परिषद् (UNSC) लाई रुस र चीनले अक्टोबर ७ मा हमासको आक्रमणको निन्दा नगरेको बताईन । उनले भनिन् , लगभग सबै परिषद सदस्यहरूले सम्झौताको एक भागको रूपमा तत्काल र दिगो युद्धविराम सुरक्षित गर्न मतदान गरे।
बेलायतका राजदूत बारबरा वुडवर्डले पनि रुस र चीनले परिषदलाई सहयोग गर्न नसकेकोमा बेलायत गहिरो निराश भएको बताइन्।
उनले अगाडी भनिन् , बेलायतले गाजामा जतिसक्दो चाँडो सहायता प्राप्त गर्न सक्दो प्रयास गर्नेछ । जमिन, समुद्री र हवाईबाट तर युद्धमा तत्काल रोकिनु नै गाजामा सहायता प्राप्त गर्ने एक मात्र तरिका हो , जुन अत्यन्तै आवश्यक छ।
प्रतिक्रिया