सशस्त्र बन्दुकधारीले झण्डै ३०० जनालाई अपहरण गरेको केही दिनपछि थप १५ जना विद्यालयका बालबालिकालाई अपहरण गरेको नाइजेरिया प्रहरीले जनाएको छ ।

द्वन्द्वग्रस्त क्षेत्रमा झण्डै ३०० विद्यार्थीलाई बन्धक बनाएको ४८ घण्टापछि प्रहरीले उत्तरपश्चिमी नाइजेरियाको एक अंग्रेजी बिद्यालय (बोर्डिङ स्कूल)मा शनिबार बिहानै प्रवेश गरी १५ जना बालबालिकालाई सुतिरहेको अवस्थामा कब्जा गरेको प्रहरीले बताएको छ।

नाइजेरियाको उत्तरी क्षेत्रमा पाठशाला अपहरणहरू सामान्य हुने गर्छन । विशेष गरी २०१४ पछि बोर्नो राज्यको चिबोक गाउँमा इस्लामिक चरमपन्थीहरूद्वारा २०० भन्दा बढी बिद्यालयका छात्राहरूको अपहरणले संसारलाई स्तब्ध बनाएको छ। सशस्त्र गिरोहहरूले अपहरण फिरौतीको लागि विद्यालयहरूलाई लक्षित गरेका छन्, जसको परिणामस्वरूप कम्तिमा १,४०० जनाअपहरण भएका छन्।

पछिल्लो हमलामा बन्दुकधारीहरूले स्थानीय समय अनुसार बिहान १ बजे सोकोटो राज्यको गाडा काउन्सिल क्षेत्रको गिदान बाकुसो गाउँमा आक्रमण गरेका थिए। गाउँबाट एक महिलालाई पनि अपहरण गरिएको थियो। र ,विद्यार्थीहरूको खोजी गर्न प्रहरी रणनीतिक टोली तैनाथ निर्माण गरिएको सिबिएसन्यूजले जनाएको छ ।

आक्रमणले अफ्रिकाको सबैभन्दा बढी जनसंख्या भएको देशलाई त्रसित बनाएको सुरक्षा संकटलाई एकपटक फेरि उजागर गरेको छ। फिरौतीको लागि अपहरणहरू नाइजेरियाको उत्तरी क्षेत्रमा आकर्षक बनेका छन्, जहाँ दर्जनौं सशस्त्र गिरोहहरू सक्रिय छन्।

अपहरणको कुनै पनि समूहले जिम्मेवारी लिएको छैन। यसैबीच, नाइजेरियाका उपराष्ट्रपति काशिम शेट्टीमाले शनिबार कडुना राज्यमा अपहरण गरिएका विद्यार्थीहरूका अधिकारीहरू र केही अभिभावकहरूसँग भेटे र उनीहरूलाई सुरक्षा बलहरूले बच्चाहरूलाई खोज्न र उद्धार गर्न प्रयास गर्ने आश्वासन दिएका छन् ।