इजरायल रक्षा बलले इजरायल सुरक्षा निकाय (एजेन्सी)सँगको संयुक्त कारबाहीमा हमासका एक संस्थापकलाई ‘समाप्त’ गरेका छन्। हमासको सैन्य शाखाका वरिष्ठ व्यक्तित्व हाखाम मुहम्मद इस्सा अल-इसा शुक्रबार गाजा शहरको सबरामा भएको हवाई हमलामा मारिएका हुन्।

अल-इसा हमासको सैन्य शाखामा हाल युद्ध समर्थन मुख्यालयका प्रमुख थिए । उनले गाजा भूभागमा सेना निर्माणका प्रयासहरूको नेतृत्व गरेका थिए। उनी तालिम मुख्यालयका प्रमुख र हमासको सामान्य सुरक्षा परिषद्का सदस्य पनि थिए।

आईडीएफका अनुसार, उनले “अक्टोबर ७ को बर्बर नरसंहारको योजना र कार्यान्वयनमा महत्त्वपूर्ण भूमिका” खेलेका थिए। पछिल्ला केही दिनमा उनले इजरायली नागरिक र गाजा भूभागमा कार्यरत आईडीएफ सेनामाथि आक्रमणको योजना बनाउन सहयोग गरिरहेका थिए। अल-इसा इजरायलले युद्धका क्रममा क्षति पुर्‍याएका हमासका संगठनात्मक प्रणालीहरूलाई पुनर्निर्माण गर्ने प्रयासमा पनि संलग्न थिए।

यो खबर इजरायल र इरानबीचको द्वन्द्वपछि आएको हो जसमा आईडीएफले इरानी सेनापति सइद इजादी लगायत धेरै सैन्य नेताहरूलाई मारेको थियो। उनले वर्षौंदेखि शासनको तर्फबाट हमासलाई हतियार र आर्थिक सहयोग गर्दै आएका थिए। यस घटनाले हमासका लागि ठूलो धक्का मानिएको छ।