फ्रान्स विश्वमै गर्भपतनलाई संवैधानिक अधिकार प्रत्याभूत गर्ने पहिलो देश भएको छ ।

फ्रान्सले आफ्नो संविधानमा महिलाको गर्भपतनको अधिकार प्रत्याभूत गर्ने पहिलो देश बनेको सिबिएसन्यूजले जनाएको छ ।

फ्रान्सको संसदको माथिल्लो र तल्लो सदनका सांसदहरूले सोमबार बैठक गरेर ऐतिहासिक संशोधनलाई सजिलै पारित गरेका छन ।

विधेयक भारी ७८०-७२ मतमा स्वीकृत भएको थियो । अर्थात हुन्छ भन्ने पक्षमा ७८० र हुदैन भन्ने बिपक्षमा ७२ मत परेको थियो ।

राष्ट्रपति इमानुएल म्याक्रोनले भविष्यमा कुनै पनि समयमा पहुँचमा प्रतिबन्ध लगाउने समान कदम चालिएमा फ्रान्सले गर्भपतनको महिलाको अधिकार सुरक्षित भएको सुनिश्चित गर्ने वाचा गरे।

संविधानको धारा ३४ मा भएको संशोधनले “महिलालाई गर्भपतन गर्न पाउने स्वतन्त्रताको प्रत्याभूति गरेको” भन्ने कुरा स्पष्ट रूपमा समेटेको छ।

म्याक्रोनले सामाजिक सञ्जालमा मतलाई “फ्रान्सेली गौरव” र “विश्वव्यापी सन्देश” भएको बताएका छन् । जनसंख्याको ८० % भन्दा बढीले त्यो अधिकार स्थापित गर्न संविधान संशोधनलाई अनुमोदन गरेको छ।

फ्रान्समा सन् १९७४ मा गर्भपतनलाई वैधानिकता दिइएको थियो। फ्रान्सेली महिलाहरूलाई प्रायः प्रक्रियाका लागि विदेश जान बाध्य पारिएको आक्रोशमा सन् २०२२ मा गर्भपतनको कानूनी सीमा १२ बाट १४ हप्तासम्म विस्तार गरिएको थियो।

८ मार्चको अन्तर्राष्ट्रिय महिला दिवसको केही दिन अगाडि सोमबार अर्को ऐतिहासिक क्षण फ्रान्सका महिलाले पाएका छन् ।