अमेरिकाको टेक्सस राज्यमा बेपत्ता गर्भवती किशोरी र प्रेमीको शव कार(सवारी साधन )मा बन्दुकको गोली लागेको अवस्थामा फेला परेको हुनसक्ने प्रहरीले जनाएको छ ।

प्रहरीका अनुसार टेक्ससबाट हराइरहेका एक किशोरी र उनको प्रेमीको शव मंगलबार सान एन्टोनियोको एउटा आवास गृह (अपार्टमेन्ट कम्प्लेक्स )नजिकै अडान (पार्क )गरिएको कार(निजी सवारी साधन) भित्र फेला परेको हुन सक्छ।

एउटा कार भित्र दुईवटा शव फेला परेको छ, एक बेपत्ता टेक्ससकी किशोरी जो ९ महिनाकी गर्भवती थिइन् । उनको प्रेमी सहित प्रत्येकलाई बन्दुकको गोली लागेको प्रहरीले बुधबार बताएको छ ।

सान एन्टोनियोका प्रहरी प्रमुख विलियम म्याकमानुसले मंगलबार पत्रकारहरूलाई भने ,प्रहरी अधिकारीहरूले लाशहरू डिसेम्बर २२ मा अन्तिम पटक देखिएकी १८ वर्षीया साभाना सोटो र उनको प्रेमीका हुन् भन्ने विश्वास गरेको तर उनले पहिचान पुष्टि गर्न नसकेको सिएनएनले जनाएको छ ।

” चिकित्सा परीक्षकको कार्यालयले मृत्युको कारण निर्धारण गर्न र पीडितको पहिचानको पुष्टि गर्न मृत्युको अनुसन्धान गर्नेछ,” बुधबार प्रहरीको विज्ञप्तिमा भनिएको छ। साथै अनुसन्धान पनि जारी रहने बताईएको छ ।

प्रहरीहरुका अनुसार शवहरू त्यहाँ “सम्भवतः तीन वा चार दिन देखि थिए । लियोन भ्याली प्रहरी विभागका अनुसार सोटो गर्भवती थिइन् र उनको प्रसव मिति बितिसकेको थियो । उनको परिवारले उनको हराएको सूचना गरेको थियो।