अमेरिकाको एट्लान्टा शहरको चिडियाखानामा क्रिसमसको पूर्वसन्ध्यामा पहिलो दक्षिणी सेतो गैंडाले एक बच्चा (केटो)जन्माएको छ ।

चिडियाखाना एटलान्टामा राखिएको दक्षिणी सेतो गैंडा कियाजीले डिसेम्बर २४ ,२०२३ मा एउटा केटोलाई जन्म दिएको घोषणा गर्न पाउँदा रोमाञ्चित छ भनि सिएनएनले जनाएको छ ।

सिएनएनका अनुसार नवजात शिशु गैडाको बच्चा अर्थात् केटो एटलान्टा चिडियाखानामा जन्मेको पहिलो दक्षिणी सेतो गैंडा हो।

केटो जसको प्रजाति खतरामा परेको छ। बच्चा गैंडा स्वस्थ र बलियो छ । आफ्नो आमाबाट “उपयुक्त मातृ हेरचाह” प्राप्त गरिरहेको उद्यान अधिकारीहरूले सोमबार एक विज्ञप्तिमा भने।

यो पनि चिडियाखानामा जन्मिएको दोस्रो गैंडा हो । यो भन्दा पहिले २०१३ अर्को पूर्वी कालो गैंडा जन्मिएको विज्ञप्तिमा भनिएको छ। सेतो गैंडाको नवजात शिशु जन्ममा १०० देखि १५० पाउन्डसम्म तौल हुन सक्छ ,बिज्ञप्तिमा उल्लेख जनाईएको छ ।

नवजात शिशुका आमा २२ वर्षीया कियाजी र १२ वर्षीय बुबा मुम्बल्स २०२२ को सुरुमा चिडियाखानामा भेटेका थिए । उद्यान कर्मचारीहरूले वसन्त २०२३ मा गर्भावस्था भएको पत्ता लगाए।

चिडियाखाना एटलान्टा परिवार कियाजीको बच्चा जन्मिएकोमा उत्साहित छ। यो जन्म धेरै महिनाको लामो प्रतीक्षा पछि समाचार भएको छ,” चिडियाखाना एटलान्टाका अध्यक्ष तथा प्रमुख कार्यकारी अधिकारी (सिइओ )रेमन्ड बी किङले भने ।

“सबै गैँडा प्रजातिहरू हाल खतरामा छन्, हामीसँग जंगली गैँडाहरूको स्थितिको बारेमा चेतना जगाउन सक्दो गर्ने जिम्मेवारी पनि छ,” किंगले भने।

इन्टरनेशनल युनियन फर कन्जर्भेसन अफ नेचर एन्ड नेचुरल रिसोर्स(प्रकृति र प्राकृतिक स्रोत संरक्षणको लागी अन्तर्राष्ट्रिय संघ)ले दक्षिणी सेतो गैंडालाई “निकट खतरामा परेको” भनी वर्गीकृत गरेको छ।

तस्बिर कृतज्ञता : एटलान्टा चिडियाखाना